星岛：赵慧珊10几年冇拍拖约会小鲜肉惨被嫌弃 讚41岁李佳芯先係“中女天花板”
赵慧珊(Aka)及J Lou(林欣) 主持开电视节目第2季《全港开餐100强》，拍摄时已怀孕的J Lou虽然不停作呕，但冇避忌照食乳猪及鸡子豆腐；Aka就食田鸡腿。而37岁Aka被喻为“中女天花板”，她呻冇人追，甚至被细10多年的“小鲜肉”嫌弃，故羡慕J Lou有幸福家庭，採访：方骞平
赵慧珊及J Lou在节目中去匀100间爆红食店，试尽大厨驰名菜式，就算平日唔食的，都会专业地放入口，不过拍摄期间正值初孕的J Lou就要戒饮酒，最惨拍摄时不停作呕，幸得到团队照顾。而被指食极唔肥的Aka笑言虽然保持运动量但其实都有肚腩，目前操紧蜜桃臀，亦会挑战75kg哑铃，务求练出靓线条。
人生第一次被hurt
越来越有女人味的Aka变身“中女天花板”，她形容自己只係用木板搭成嘅阁仔，所以楼底好矮：“李佳芯係天花板中嘅天花板，41岁好似20几岁咁年轻貌美。”怀孕中期的J Lou已有返啲胃口，Aka好羡慕靓拍挡有老公爱锡，相当幸福，相反她就好落泊：“早年啲追求者唔係细我10几年，就係大我10几年，我都尝试过赴会了解下‘小鲜肉’，但约会中竟被嫌弃冇化妆，问我‘你有冇带化妆品呀？入去厕所化个妆先啦！’当时我个心谂‘咩料呀？我係咪好样衰呢？’真係有啲怀疑人生㗎，但又肯照做，化完个妆仲一齐食埋餐饭，之后再冇下文，因为我人生第一次俾人咁hurt，平时冇人会咁对我，𠵱家我真係啋你都傻呀。”
10多年冇拍拖的Aka否认放唔低旧爱吴业坤，并语带轻鬆说：“经已忘记晒啦，我相信缘份係注定嘅，条命几时遇到，挡都挡唔住。”
