明报：谢东闵视女友朱智贤为终身伴侣 日后结婚绝不隐瞒
现年39岁的谢东闵（Brian）效力无綫（TVB）14年，于上月初跟随女友朱智贤步伐，宣布离巢外闯。Brian近日接受商台《星光背后》访问时说︰“离巢呢个谂法，其实都谂咗差不多一年。我觉得自己年龄开始大，明年就40岁，係时间要试啲新野；其次，我身边啲好朋友，例如林子善、袁伟豪、陈山聪，都係喺出面一段长时间先入TVB，但我係参加歌唱比赛之后就加入，无做过其他工作。呢14年都係TVB照顾住我，所以我觉得自己係时候要尝试吓新嘅野。”
Brian在剧集《本尊就位》是男一，演出获好评，却选择这时候才离开。他认为一切都是缘分︰“我冇谂有冇再上升机会，纯粹觉得自己喺演技上有啲位置卡住咗，去到樽颈位，一直都太过舒适，一直都係听朋友讲出面係点点点，我都想出去试吓，同其他新嘅人合作，挑战吓自己。”
Brian表示约满前一直有跟TVB倾谈，向公司表明意向，双方关係好好。他被问到TVB开出什麽挽留条件，如加薪几多时以尴尬的冷笑声回应。他说︰“条件就… 哈哈！大家有倾过可唔可以用唔同方式合作，但我一直想试吓唔同嘅嘢，想拍吓唔同嘅嘢，例如电影、可能去其他电视台拍嘢等，我想试吓全部嘢自己一个人去做个感觉。”
Brian坦言这次是裸辞，暂时未有之后的计划，想跳出舒适圈，发掘更多可能。他表示：“我14年来一直有稳定收入，珍姐（曾励珍）同乐小姐（乐易玲）好惜我，一直冇停过拍戏，拍咗超过30套剧集。决定唔续约时，公司问我係咪有后路，我好老实答‘无’！”
Brian是家中独子，但在成家立室上没压力，父母没所谓他何时结婚生子，他与女友朱智贤均抱顺其自然态度看待婚事。Brian说︰“结婚呢样嘢，真係顺其自然啦﹗一段关係需要去到结婚嘅时候咪结，我冇特别同佢倾呢一样嘢。如果大家都想嘅话，都可以去做呢件事。将来我结婚嘅话，一定唔会隐瞒，会同大家讲！”
与朱智贤交往8年，Brian坦言已视她为人生伴侣︰“拍得8年拖，当然适合啦﹗大家都太耐，依家已经变咗係好好朋友，又好似屋企人咁嘅感觉！”Brian最后欢迎大家找他们情侣档工作。
