明报：周柏豪内地综艺晒Rap功遭取笑 唔介意被保錡模仿：点会嬲佢？
王敏奕、周柏豪及郑融今天（24日）到澳门担任食肆开幕嘉宾。周柏豪表示早前忙于巡唱及综艺节目，经常要四围飞，问子女可有投诉？他笑说：“女儿都长大，差唔多5岁，投诉我应该要挣多啲钱，因为个女好锺意买嘢，好似公主咁成日打扮，女儿要纵嘅，囝囝就要严一啲，不过佢哋都非常黐爸爸，一做完嘢我即刻返香港陪佢哋。”
早前周柏豪在内地综艺《我在横店打篮球》突然表演Rap，不但被网民狠批，更被ERROR成员吴保錡拍片模仿“抽水”，周柏豪说：“Rap嗰几句是以搞笑为主，搵我呢个唔识Rap嘅先有火花，当然尴尬啦，但我唔怕尴尬，能够𧨾到大家笑，我愿意去做，做艺人唔做‘下耙位’，我会觉得好闷，打波有型咪得囉﹗”
周柏豪指有见到保錡拍片模仿开玩笑，他说：“唔紧要啦！我识佢，大家都有共同朋友，佢之前都有攞我品牌啲衫着，如果要嬲，大把嘢可以嬲，点会嬲佢呢？佢都好似好叻，是比较嘻哈类别艺人。”
