星岛：卫诗雅恨住东半山做少奶奶 陈家乐讚英皇新楼盘近名校
英皇国际东半山全新豪宅项目One Jardine’s Lookout铁定本周六（28日）开卖，继乐坛天后容祖儿日前由老闆英皇集团主席杨受成博士陪同率先睇楼，多位英皇艺人卫诗雅（Michelle）、陈家乐等近日自组“明升睇楼团”，浩浩荡荡睇楼，齐撑公司新盘。
一众英皇艺人卫诗雅、陈家乐、海儿、邓小巧、艾妮、伍咏薇、杨天宇、洪助昇、阮雅、黎峻、刘若宝、朱天、郭思、Jonathan 及Logout ，组成“明升睇楼团”，在英皇娱乐CEO许佩斯（Shirley）带领下齐撑新楼盘，老闆杨博士亲自接待，杨博士更点名笑指家乐和Michelle即刻入票。
去年担任公司楼盘“澄天”代言人的Michelle新婚将至，她笑言梦想做少奶奶，住东半山就可以经常High Tea及shopping。家乐也大爆Michelle想于鰂鱼涌置业，“你咁锺意港岛楼，不如你再下一城买One Jardine’s Lookout做投资收租啦！”
今次Michelle并非新楼盘代言人，仍贯彻“力sell”精神，狂向刚为人父的家乐推销：“BB大得好快㗎！你初为人父，咁上下时间要开始留意校网㗎啦！”
家乐坦言有很多亲戚都叫他要睇定学校，他深感真是一门学问，“我不嬲都係紧张大师，公司一有新楼盘，我都特意去做research了解呢个地区。同事介绍东半山出名多小学、中学名校，都真係几吸引。”
而首次以英皇艺人身份睇公司楼盘的海儿表示，好开心大家一齐组一个有气氛的睇楼团，大讚同事之间好有爱，还有老闆带路，她不忘卖口乖，“当我听到可以一齐嚟支持公司楼盘，我都举手话要嚟，而且我仲未喺香港置业，不嬲都知道呢个係传统豪宅区，睇返呎价好吸引，所以我真係想了解多啲呢个项目。”
