庄子璇被指样貌愈变愈标緻 回应整容疑云：咁我唯有P少啲图
庄子璇（Hilary）（25/9）现身尖沙咀出席TVB新剧《金式森林》煞科宴，对于首次参与剧集拍摄工作，Hilary接受《香港01》访问表示与想像中有很大差别：“同自己谂嘅好唔同，以为一对一互相交流做戏，但原来同一场戏係要可能做10次，又或者20次都係做同一个表情，同一个反应，变咗我係要Keep住个情绪。（会唔会唔够瞓？）嗰排就一定唔够瞓嘅。（咁咪会瘦咗？）哈哈，冇，我唔够瞓，反而係会肥。”
提到郭晋安开口讚她有演戏天份，Hilary开心说：“好多谢佢，佢讚我嘅时候係好开心。（安仔气场会劲？）初初第一、二次见佢嘅气场好劲，但相处之后佢係好可爱，好似小朋友咁，同埋佢係教我哋好多嘢。就好似一埋位咁，佢企喺我隔篱，成个爸爸咁，我就已经係佢个女咁，个感觉好真实。”
提到有网民指她样貌不断进化，愈变愈标緻，引起整容疑云。Hilary笑言：“大家有咁嘅反应，咁证明我嘅苦功係有用嘅。因为我呢几个月日日都要上妆，日日都要对住镜头，变咗自己知边啲角度係会靓啲，同埋会知自己边度係缺点。（有冇P图？）哈哈，咁其实个个女仔都会P图。（被指整容会唔会唔开心？）咁又唔会，可能佢哋觉得愈嚟愈靓，咁我唯有P少啲图，等大家见多啲真实嘅我囉。”
