OneUp新歌MV搵柿柿、Santis做女主角 Oscar半裸出浴晒肌好尴尬
由两大超高颜值混血型男Bronny贺邦与Oscar方智弘组成的新晋男子组合OneUp，继之前推出首支派台歌《Ten Outta Ten》后，昨日（25日）再推出新歌《10号码头的半对》，继续化身冧歌王子，今次MV Bronny与Oscar更大派“福利”，除邀请人气YouTuber杮杮chichi与Santis陈映影分别饰演二人女友外，Oscar还首度在镜头前半裸出浴，大骚六嚿腹肌，劲吸眼球。
今次MV另一亮点，绝对是Oscar首度在镜头前半裸出浴、湿身骚肌，而拍摄出浴戏前，Oscar坦言十分紧张，又狂做掌上压谷肌：“都几紧张！虽然对自己身材有信心，但始终有好多人睇住，一队Crew都十几个人望住我，真係好尴尬，好彩入到浴室，状态转换咗啲，成件事先冇咁尴尬。”
至于被问到拍出浴镜头还是跟女主角亲密戏尴尬？Oscar就表示：“我会形容同女主角开头拍嗰一两幕係最尴尬，最大尴尬係未熟对方，唔知佢性格係点，又未倾过偈，一嚟差不多面贴面，幸好之后倾过偈熟络了，成件事先冇咁尴尬。”
