张驰豪首飞泰国拍新歌MV 寓工作于娱乐
张驰豪（Aska）推出亲自操刀作曲的新歌《宇宙逃生口》，他表示歌曲节奏虽然轻快放鬆，但灵感却来自一段伤痛回忆。Aska说︰“当初係想写一首对比好大嘅歌，编曲好轻快，但歌词其实好sad。歌词係想讲，当大家失去一段关係时，好似成个世界崩塌咗，失去咗个依靠企唔到起身咁，但之后发觉几唔捨得都需要放手，自己搵番快乐先可以令对方，甚至令段关係快乐。大家可以想像呢首歌係一个人经历失恋，用工作麻醉自己，将生活填到密密麻麻，然后发现唔可以再鑽牛角尖，一个人出走散心嘅感觉。”
歌曲MV在泰国取景拍摄，Aska首次到当地，半工作半游玩，尝尽当地美食，乐在其中。他透露︰“最初倾MV嗰阵，公司畀两个选择我，一个係愉景湾，一个係泰国，咁梗係拣泰国啦！其实泰国畀人嘅感觉好无拘无束，亦好贴合首歌嘅感觉，好似喺高速公路一个人揸紧车抛开烦恼咁。”Aska拍摄当日换上不同造型，拍摄时非常投入，拍到喊戏部分时更流出真眼泪。
