星岛：孔德贤光速储齐10个车牌想转行？ 曾闹桃色纠纷一度影响演艺事业
27岁TVB新晋小生孔德贤曾因感情风波一度沉寂，今年终凭主演的剧集《本尊就位》获关注。原来孔德贤在过去一年非常努力考取各种驾驶执照，昨日（8日）在社交网公开成果，并且分享考牌感受。
孔德贤昨日在IG分开多张照片，当中见到有电单车牌、的士牌、重型货车牌，还表示正在准备考挂接车辆车牌，是学习驾驶货柜车，获不少网民羡慕孔德贤考车牌如储印花。孔德贤表示：“经过一年嘅考车生涯，终于接近尾声啦！大家睇我IG或者同我倾偈都知，呢一年入面我好多时间都係学车、考车、上堂，不断考唔同嘅车牌，我宜家有嘅车牌1、2、3、4、5、9、10、18、19、22”。
孔德贤叮嘱要温书
孔德贤透露不少车牌都是“1 take pass”，虽然未有承认有驾驶天份，还感谢教车师傅，但孔德贤不忘分享每一种车牌的考试心得。孔德贤先讲的士牌：“我第一个考到嘅就係的士牌（6号），呢个牌係要花最多时间去温书，因为整个考试都係笔试，只要你有私家车牌（1a）。Part 1嘅考试内容係的士规例，一啲做的士司机嘅守则。”
孔德贤密集式温书
孔德贤续指Part 2考试的内容比较複杂：“佢会比一个建筑物名你，要你讲返条街名。又有一part係俾两个location（地点），考你用边条路线係最短距离。Part 3，就係道路使用者守则，即係考车最基本嘅笔试进阶版。经过我一个期嘅密集式温书，最后成功用咗45分钟，就考晒成个试，最终1 take pass，好彩我有去上堂，如果唔係都唔会记得咁熟。”
孔德贤一度被考起
之后孔德贤讲重型货车牌：“第二个考嘅牌就係重型货车牌（19号）即係大家係街见到嘅垃圾车／运鱼运菜车嘅size。呢架车必需係棍波操作，而且上落波个阵要用两下极力子（离合器），同埋係考试路线会出现用两条线转弯嘅情况，因为架车太大，所以真係考起我。再加上掉头泊位係需要5手掉头，比起私家车嘅3手掉头难好多。好彩师傅好细心咁教我而且又要就我时间，成功1 take pass。因为考到19号牌，所以就自动有埋中型货车牌18号。即係话宜家大家街上面见到嘅货车我都识揸啦”。
孔德贤考大巴原因
孔德贤提到考私家大巴及公共大巴的原因：“第三个考嘅就係9号10号，私家大巴／公共大巴。因为我考咗19号牌嘅原因，考试路线大同小异，而且车身又比重型货车细，同埋用3手掉头，所以上咗几堂又轻鬆1 take pass，即係大家喺街见到嘅小巴／巴士我都可以揸啦”。
孔德贤称熟能生巧
已多次在IG出PO晒电单车相的孔德贤，表示电单车牌是其第四个考取的车牌：“第四个考嘅牌就係电单车牌（3号，22号）即係棍波电单车加自动波电单车。呢个牌我都觉得几难，因为电单车嘅操控同其他车实在太唔同，转波同转弯都两件事嚟，不过都係熟能生巧。考完强制试我就去搵咗师傅学车，最难嘅斜路8字都比师傅轻鬆拆解，教我边啲位要做啲咩，令到我觉得斜路8字比想像中简单。最后轻鬆1 take pass”。
孔德贤学揸货柜车
而孔德贤目前报考的第五个车牌是货柜车的挂接车辆（20号），由于仍在学车中，他表示之后再分享。孔德贤未有透露纯为兴趣，还是为未来铺路，考多几个车牌傍身，不过他成为驾驶学校的代言人，都算是双赢。
孔德贤2019年毕业于香港理工大学建筑工程及管理学系学士课程，却放弃做工程师，而入娱乐圈。孔德贤于2017年加入J2节目《后生仔倾吓偈》，2020年正式开始拍剧，去年播出的《你好，我的大夫》是孔德贤的代表作。
孔德贤曾闹感情风波
只是孔德贤因2020年与廖慧仪分别在各自的社交网上载行山相疑洩密，女方的前男友Sam疑受情困离世，孔德贤闹出感情风波后形象插水，虽然与廖慧仪划清界线，回应二人是普通朋友，没有联络，但已影响事业。
