廉政行动2024｜陈山聪有信心争视帝 张曦雯想做双料视后
陈山聪（13日）与张曦雯（Kelly）出席TVB台庆剧《廉政行动2024》宣传活动时，表示其角色有很多对白，拍摄时被考起，多次NG。
虽然《廉》只得5集，他对剧集有信心︰“託Kelly鸿福，佢呢期红，希望佢可以带旺我哋﹗我拍呢齣剧有好多第一次，第一次深入廉政公署同赤柱监狱拍摄，仲第一次同Kelly合作，不过我哋对手戏太少。”
谈到可有信心凭5集剧角色争视帝时，山聪说︰“有﹗点会冇信心？如果有提名就争吓，有咩所谓？有得争好过冇得争﹗我今年原来只得一套《反黑英雄》，估唔到《廉》变咗台庆剧，真係好开心﹗”
今年4套台庆剧中，《企业强人》及《廉》均有Kelly演出。她表示︰“未试过连续两套台庆剧都有份演出，真係好开心﹗我好喜欢长期演女强人角色﹗”至于想凭哪一套剧的角色得奖，Kelly说︰“两套都想，双视后都係我，几好吖，要有信心﹗”
她表示其剧中角色是孕妇，拍摄时只坐在办公室骂人，拍得很舒服。Kelly说︰“演大肚婆感觉好正，可以托住双手玩手机。做真大肚婆？咁又唔好，迟啲先！”
