明报：我推的野男LIVE！｜袁伟豪吁戒色 忙凑仔变“爸爸手”
袁伟豪昨晚（14日）担任《我推的野男LIVE！》嘉宾，向10强参赛者分享当年参加《香港先生选举》戒色贴士，他说：“係一位长辈同我讲，以前比较年轻冇深究，17年后有返咁上下年纪，已完全明白，当时26岁有拍拖，不过都有跟住做，对于比赛确係好啲，但真係谷到头都爆，𠵱家的确冇廿几岁时旺盛，但唔代表冇，有重要工作都觉得必须要咁做，所以都提提大家，无谓因儿女私情而影响状态。”
袁伟豪状态回勇，他笑言最近忙凑仔，凑仔凑到有“爸爸手”，他说：“这10个月都是主力凑仔，不过‘袁咕碌’就快1岁，已逐渐掌握到佢嘅生活习惯，可以抽时间健身跑步，加上控制饮食，块面瘦番少少。”
他表示工作上除了公司安排，现阶段也主动接洽客户，看看可有工作上的合作，再转介给公司，他说：“可能係有咗小朋友之后嘅改变，既然唔係太忙，就主动去联谊造多啲工作机会，太太（张宝儿）都帮我收卡片，都係为屋企同自己打算，即使话我‘搲捞’也没所谓，啲人锺意点讲就点讲。”
（2）关经翰及 （11）邓家朗同于观众推选的“综合网络人气野男”获高票数，2人表示有信心夺冠。对于袁伟豪建议戒色，关经翰称未有伴侣，可专注参赛，而有女朋友的邓家朗亦称：“刚刚开始，唔好接触咁多，免得影响力量，女朋友都明白。”
