杨茜尧被传与胡定欣不和14年 亲揭真相原来由另一花旦引起 | 香港01
TVB台庆剧《黑色月光》下周一（28日）香港首播，昨日（22日）杨茜尧（原名：杨怡）、林夏薇、马志威等一众演员出席宣传活动，场面相当热闹。
适逢胡定欣主演的《巾帼枭雄之悬崖》本周一（21日）开播，令不少网民想起杨茜尧与胡定欣在2010年《万千星辉颁奖典礼》台上互藐，这片段更成为网络经典gif，14来都不停被翻loop ，令人觉得杨茜尧，胡定欣两大视后不和十几年，昨日杨茜尧接受《香港01》访问，决定自爆当日真相，解开与胡定欣十几年的恩怨⋯⋯
杨茜尧表示从没想过这一小片段会流传十几年，她说：“我从来都冇解释过係咩原因，我记得当时第日起身，微博俾人洗版，就係呢条片疯传，我即刻send信息问胡定欣，‘我话定欣咩事呀？’定欣话‘唔知呀，唔驶理佢哋’。”
杨茜尧续说：“我喺度解释一次喇，我最后find out咗点解我有呢个行为，被人影咗出嚟，cap咗出嚟咁多年呢？我记得当时子珊坐我呢边（右）定欣坐呢边（左），子珊同我讲好冻，跟住我就话係咩，好冻咩，就係咁样，我好肯定。”
当时与徐子珊说话时，她就配合手部动作，所以最终被拍出来被误以为藐视批踭胡定欣，她表示：“识我嘅人都知我唔会批踭，我同定欣大家咁熟点会批踭，（搞到传不和好耐）好搞笑呢件事，（私下同定欣friend 唔friend?）friend 嘅，我试过同佢去沙滩，两个人一齐去沙滩晒太阳。（台庆重演吓？）好呀！我下次同佢示范吓先。”
而对于她同胡定欣被视为今年视后大热，她就表示：“其实识我嘅人都知道，奖我都係好随缘嘅心态，我冇谂太多嘢，每一个角色我会用心做好。”扬言更希望剧集夺奖。
说回《黑色月光》剧中，杨茜尧为了复仇一步一步接近敌人，最终令所有的敌人败在自己手中，问到拍此剧是不是很爽时，她就表示：“其实都会，有时喺现实有做唔到嘅嘢，譬如你好想推一个人落楼。”
当中有一场戏她被大反派马志威掐着颈部，问到她马志威是不是真掐时，她就表示是真的：“係呀！我同佢未合作过，佢嘅第一场戏佢都冇问过我得唔得，佢一嚟就叉我颈，个场係啲对白冇讲佢要叉我颈，我哋綵排嘅时候佢就叉我颈，我觉得嗰样嘢好自然，佢有问我介唔介意，我话唔紧要，反而你用力啲，因为拍嘢唔投入啲唔够真实，个场戏我觉得係舒服嘅。”表示与对方拍戏很开心。
