蔡嘉欣离巢TVB句句有骨 “我呢啲不值得被挽留” | 香港01
2019年的香港小姐参赛者蔡嘉欣，晋身十强后仍获签TVB。早前宣布离巢，结束同TVB 5年关係。今日她以Deep V桃红装出席护肤品牌活动，同场仲有好姊妹陈诗欣（Eunice）、无綫小花陈晓华、郭柏妍。
蔡嘉欣接受访问时卖口乖，大讚客户给予吸金机会，又指自己嘅工作已排到圣诞节，直指赚得多过以前。问到离巢原因，她解释是因为自己工作规划，意思有所不同，而之后亦会朝著KOL方向发展。
问到公司可有挽留？蔡嘉欣即谓：“循例上都会问句‘会唔会考虑续约？’我话唔考虑之后，对话就结束。（冇挽留你？）冇呀！我呢啲不值得被挽留就唔挽留。”
蔡嘉欣又话去年被传离巢时，已经无接TVB工作，可以说去意已决。“呢间公司嘅路未必係我想追求嘅嘢，所以一早想话做自己嘢时，佢哋都好支持。”她又指离巢并非人工问题，因为所学到的比钱更多。“其实係我无心喺呢间公司拼搏落去，就唔好霸住啲机会。你知呢间公司咁多人，好多人都紧张每一个骚，畀佢哋。”
陈诗欣在旁听到忍不住偷笑，同TVB仍有合约嘅佢表示目前以KOL工作为主，又笑称自己年纪有返咁上下，所以应该将机会让出，又指自己都会搵返条路出嚟，但目前工作算适合自己。
