明报：谢宁偕社企黄明慧办曲奇慈善活动 薛家燕激讚曾醒明文笔
前港姐冠军谢宁日前与社企的曲奇品牌创办人黄明慧（花花）及前TVB公关部负责人曾醒明，到新城广播接受薛家燕、范振锋及思敏主持的《开心大派对》访问，宣传下月2日在荃湾举行的《“点连多元•世界纪录”暨慈商社市集》慈善活动，届时会有逾400人制作巨形“点字曲奇”，齐创世界纪录。
谢宁和花花相识多年，2人热心公益，这次慈善活动中，担任技术总监的谢宁笑言，是花花抬举自己，她说：“真係唔敢当，花花嘅企业都做咗10年，虽然佢係视障人士，但佢上山下海，又爬山又潜水，仲会自己做曲奇同月饼，好似正常人一样，我佩服到不得了，佢喺加拿大完成大学心理学系课程，𠵱家帮人做埋心理辅导，好有才华，今次佢一Call我话有呢个活动，我即刻举脚赞成。”
家燕姐问到曲奇饼上的点字是甚麽？黄明慧解释是视障人士专用的点字：“大家成日都会见到，例如电梯入面见到嘅一点点，就係盲人摸嘅点字，至于‘点字曲奇’係我哋首创，每块曲奇都有点字，亦都有唔同意思喺里面，有师傅曾经问我，‘点解你咁有创意，锺意做牌九曲奇’。”
花花又透露这次慈善活动，会有400多人在超过1600块曲奇上面写点字：“我哋会写代表英文字LOVE，一齐做一块大心形曲奇，希望可以破世界纪录。”而是次活动筹得善款，将会帮助视障、听障、智障、少数族裔及长者等，极具意义。
曾醒明成立的义工团体莒光文化服务基金，亦有份参与是次慈善活动：“我同谢宁识咗好多年，我第2届港姐开始跟，谢宁係第13届港姐冠军，大家都好锺意做善事。”家燕姐指传媒十分相信曾醒明，而电视台多次面临的公关危机，亦都靠他才得以解救，家燕姐还爆料：“曾生嘅文笔好掂，我每年生日出特刊，讲嚟讲去都讲唔到重点，话畀曾生知，佢几句就讲晒我内心世界，真係好嘢！”
听完家燕姐所讲后，曾醒明表示要讲个秘密给大家知：“每年香港小姐冠军farewell嗰个讲词都係我写，‘喺过去一年…’，之后绕台一周，真係帮佢哋度身而写，如果佢哋有为香港小姐或者电视台争光，更加要特别发扬光大。”
