星岛：AGA陪姨甥女玩好攰未有耐性做妈咪 冧讚未婚夫的士邦好支持做任何事
AGA（江海迦）年初花了4个月为首张概念大碟《Writer’s Block 》写了11首歌，包括刚推出的第2首派台歌《Unfamiliar City》，歌曲MV更有机会串连成电影推出。AGA大讚同未婚夫“的士邦”郑子邦好夹，两人迟早会组织家庭。
採访：杜杜 摄影：朱伟彦 髮型:Jackal Wong @artify.lab 化妆:Ricky Lau服装:Land Crawford 场地:The Fine Wine Experience
婚礼日期未定
继年初推出第1首歌《DRUNK DIAL》后，新歌《Unfamiliar City》同样讲住在2楼203室的住客，MV由她亲自演绎这角色，“呢个女仔好大情大性，同我底层几似，但佢永远将自己快乐建立喺人哋身上。”
她有意推出小说外，MV亦会有连贯性，“除咗红馆个唱外，第2次跳出舒适圈，第1次参与咁多，故事会一直拍，暂时拍咗5首歌，下年会再拍，会唔会变成电影？就要睇观众支唔支持嘞！”
AGA去年认爱“的士邦”，更宣布已订婚，但未有计划婚礼日期，“真係唔急，两个人一齐开心就得，婚姻对我嚟讲只係一张纸，但都想行下一步。”她又趁机冧讚未婚夫是理想另一半，“好幸运遇到一个好支持我做嘢，好明白我嘅人，我哋性格上一个北一个南，但价值观好相近。”
她笑指陪姨甥女时，测试到自己未适合做妈咪，“好似IG story咁得几秒，因为好攰，冇咁嘅耐性。”但她强调一定会组识家庭，“人生中要经历嘅嘢，好美好，家庭同事业冇抵触，唔係结咗婚生咗仔就唔可以做歌手，但我想做一件事係100%去做，𠵱家首要完成呢个作品先。”
