李佳芯拍毕《麻雀乐团》冇工开不觉被冷待 四字交待续约TVB情况 | 香港01
视后李佳芯（Ali）自拍毕剧集《麻雀乐团》后，鲜少出席公开活动，今（26日）就现身ADHD（专注力失调及过度活跃症）活动。随后接受《香港01》访问时，还自爆曾怀疑患上ADHD，又就与TVB合约一事交代最新情况。
在接受访问时，Ali就表示自己身边有好多人患有ADHD，亦曾对自己有所怀疑：“原来我身边好多人，包括我自己都怀疑自己有ADHD，（你怀疑自己有冇咩特徵？）好容易㗎，因为我都係一个专注唔到嘅人，做乜嘢都好难专注，但做自己锺意嘅嘢呢就可以100%投入。（点样克服专注力不足？）我做自己锺意做嘅嘢 （怀疑自己有ADHD时有冇去睇医生？）冇啊！但我觉得呢个意识依家开始加强，要做呢啲诊断好容易。”表示现在多了解ADHD后，就会知道面对方法。
而早前被指“走出雪柜”的她，接拍剧集《麻雀乐园》，但该剧拍毕后她又好像没有太多工作，曝光率极少，再次引起网民怀疑被公司冷待，对此她就表示：“我冇咁样谂，因为《麻雀乐园》7月先至完，对我嚟讲都係啱啱停咗休息一阵子，同埋我都係一个停唔到落嚟嘅人，大家少咗喺萤光幕见到我，但其实我一直有做自己锺意嘅嘢，（知唔知剧集几时播？）唔知，交俾公司，通常拍完就算，（呢段时间你做紧咩？）有去旅行有学自己嘅嘢，（依家唔可以透露？）梗係啦！（见你话学打网球？）一路都有学，我冇停，一个运动一个唱歌，我一直都有学。”
另外，再次提起与TVB续约一事，她就作出最新表示：“一直都有跟进呢件事，仲未有update，（依家继续倾紧？）係啦！”
