破．地狱｜卫诗雅封后一刻涌现人生走马灯 忙到连屋企都返错 | 香港01
电影《破．地狱》昨晚（25日）举行名人优先场，除卫诗雅、周家怡、梁雍婷外，连诗雅、伍允龙、宝珮如、陈炜、张继聪亦有撑场。
卫诗雅早前凭电影获得第39届华鼎奖“华语最佳影视女演员”，对于首次封后，卫诗雅表示无论大小奖、甚至係妈妈雕花雕一个奖畀佢都会感到开心，因为是肯定与认可。而被叫上台一刻，她笑言如同人生走马灯一样，不同的画面涌现。
问到未婚夫有咩表示，卫诗雅话返到屋企时，对方虽然已入睡但一于叫醒：“佢有交戏嘅，但第二日醒咗有认真望个奖。”至于所有庆祝饭局，卫诗雅话要等完东京电影节再进行，她又指近来十分忙碌，忙到连屋企都返错：“唔知点解看更会开门畀我，我上到楼层后，准备除鞋，但点解啲鞋无见过嘅，再望望度门又唔同色，我后来落返楼下，原来我去咗第二座。嗰时已经係凌晨一点，好彩无按门铃。”
提到电影未上映已赢尽口碑，周家怡、卫诗雅、梁雍婷都话之后会参与谢票场：“希望落力参与可以呼唤两位主演出嚟，我觉得应该要。好似听讲票房好好，佢哋会不定时出现。”
卫诗雅首夺女演员奖 华鼎奖封后：呢个奖对我太重要！
第39届华鼎奖昨晚（23日）于澳门举行，去年凭《不日成婚2》首次获香港电影金像奖“最佳女主角”提名的卫诗雅（Michelle），凭电影《破·地狱》获得第39届华鼎奖“华语最佳影视女演员”；方中信则凭电影《金手指》于第三届澳涞坞五大洲电影节金莉花奖获得“全球最佳男配角”奖项。石修及欧阳震华则受邀担任“全球最佳男、女配角”及“全球最佳女演员”颁奖嘉宾。
Michelle近年屡获电影奖项提名，这次得奖她表示非常激动，认为无论任何奖项，对她来会都是一个肯定及被看见的机会，“呢个奖对我嚟讲太重要啦！对演员嚟讲係一个肯定。亦都係提醒人哋：‘我仲喺呢行㗎，大家可以搵我演戏。’凭《破·地狱》呢套电影得到嘅奖项即係代表大家好喜欢我哋嘅电影，所以好开心。”问到会否增加来届金像奖提名的信心，她坦言：“感觉会实在啲，信心係高咗嘅。”
电影《破·地狱》中，Michelle饰演一名救护员，她表示这个角色无论在体能及心理上都有很大发挥，“心理上嘅话就係大家睇过呢套电影就会明白嗰种沉鬱，长时间培养沉鬱嘅情绪，每日同屋企人好多矛盾、好多争吵，所以嗰段时间係难过嘅；体能上除咗要练一啲仪式上嘅嘢，亦都要人做好多体能体力嘅瞓练，因为角色係一个救护员，自己对呢方面要求比较高，好希望最贴近个角色，所以有嗰一刻开始我每日都去做gym，嗰段时间体能真係几好，同埋大隻咗好多，经过呢啲瞓练，之后我真係可以‘称”到个人上救护床。”
最难忘的是跟许冠文拍摄一幕洗澡戏，令她学到何谓敬业乐业，“Michael神喺戏入面饰演我爸爸，有一场戏係我要帮佢冲凉，我记得拍摄嘅时候係冬天，好冻，所有剧组都担心，佢反而话：‘唔紧要㗎，你哋拍到OK先。’佢为我哋嘅画面、剧情需要行先，好唔锡身咁样，我又心痛，觉得好深刻又觉得好犀利，好尊敬佢，喺佢身上面绝对学到乜嘢叫做敬业乐业。”
