明报：欧倩怡重投幕前压力大 面对负评匿埋屋企喊三日三夜
欧倩怡今年5月宣布跟郭晋安结束18年婚姻关係，她回复单身，为HOY TV 节目《健康关注组》担任多集嘉宾外，日前接受俞咏文访问讲心底话。超过20年没有担任幕前工作，欧倩怡坦言“复出”有不少压力。
很多人跟她说，现在的娱乐圈跟她二十几岁时候的娱乐圈，分别已经好大。以前她做宣传，她单向面对传媒，但现在多了好多网上媒体，只要有人留言，就会引申好多不同话题。
她说：“近排都会紧张同埋惊，其实你睇番我二十几年前的访问，我都係一个好多嘢讲，哔哩巴啦嘅人! 大家冇见我咁多年，可能同大家预期唔同，觉得我好似冇长大过! 其实我不嬲都係咁! ”
提到她接受网上平台访问，她的言论惹来不少负评，欧倩怡表示极度不开心：“我完全冇谂过个访问出街之后，会惹来咁多嘅负评，大家冇见咗我咁多年，你唔知我身体出现过咩问题，我经历过啲乜嘢，我只係纯粹分享，冇任何意图或企图做任何嘢。坦白讲嗰件事之后，我匿埋咗屋企喊咗三日三夜! 我只係用我嘅真诚情示人，原来大家会接受唔到，好多前辈亦同我讲你唔可以太真㗎! 要识得保留，以后我讲嘢都会小心好多! ”
