明报：东京电影节｜廖子妤伙许恩怡为新戏造势︰呢部戏对我意义重大
廖子妤（Fish）、许恩怡（Natalie）昨天（30日）出席电影《摇篮凡世》在第37届东京国际电影节举行的世界首映与分享座谈会，《摇》片是一部人文关怀和女性议题相关的电影，电影于马来西亚雪隆一带取景，故事讲述吉隆坡一所24小时营运的弃婴保护舱，每一位女性志工日以继夜地发挥“母性”天职，成为挽救初生婴儿的摇篮手，但是她们过往却同样承受过性别不公的伤害。
首映礼后观众反应非常热烈，并纷纷向导演及演员们提问。Natalie在戏中饰演一名被歧视与欺凌的怀孕少女，首次看到电影成品的她说︰“我一年前拍摄嘅时候，已经觉得自己好了解个角色，今次第一次坐喺戏院、以观众嘅角度去睇成套戏，加埋剪接、音乐、调色等，就觉得自己对故事讲嘅一啲社会问题有再探入啲嘅了解，团队真係好劲，Fish好犀利，每一个群演都好厉害！”
今年已是Natalie第3年参加东京电影节，她别有一番体会︰“今次嚟电影节，感受到电影真係一种国际嘅语言，上年同《但愿人长久》嘅团队嚟到，係以香港嘅背景嚟探索，探讨毒品嘅一啲主题。今次就係用马来西亚嘅背景嚟探索女性、宗教同文化嘅故事，所以今次有得嚟东京电影节分享我哋嘅作品，真係好荣幸。最有趣嘅地方係同剧组嘅人一齐嚟到电影节，见到佢哋嘅感觉就好似喺学校出面见到老师，大家都打扮得好靓，同拍摄期间见到嘅大家完全唔同，成件事好完美。好多谢日本观众，佢哋係第一个睇呢套戏嘅，请大家多多支持！”
Fish看过电影后感到非常安心：“呢部电影对我嘅意义係非常之重大，因为呢部电影係我相隔12年之后再次返到马来西亚，演番马来西亚人嘅一部电影，除此之外佢仲係一部港、马合作嘅一部电影，除咗Natalie外，袁富华、摄影师同剪接师等都係香港人。香港同马来西亚都係我屋企，所以好期待除咗喺马来西亚之外，都将呢部电影带到去其他地方，让大家一睹马来西亚文化。噚日睇完之后，我都放鬆咗少少，因为近年拍唔少商业电影，都少咗拍一啲文艺向嘅电影，佢哋嘅节奏会好唔同，自己都调节咗一啲演法，戏入面我做番一个马来西亚人，讲广东话、英文都要用番马来西亚口音去讲，要pick up番有啲难度，睇完都满意自己表现。好开心今次可以同张吉安导演、Natalie合作，因为呢部戏我多咗Natalie呢个好朋友，我哋可以话係忘年之交，因为我大佢10几年，佢成日癫癫得得，但其实佢係好成熟嘅一个女仔，有佢喺度都令我几安心。”
