明报：嗌阿姐做阿荃？ Kay孖汪明荃斗舞：我哋叫“荃盛时琪”
汪明荃（阿姐）和谢安琪（Kay）素有交情，Kay早年在红馆开骚，曾邀阿姐做嘉宾，近日Kay一段多年前在森美﹑火火和刘翁主持的电台节目《公子会》片段被重提，内容提到Kay曾向阿姐大胆发问：“我有同阿姐倾过偈，有问佢︰‘你介唔介意我叫你“阿荃”？’”
火火和森美忍不住爆笑，Kay表示当时好认真问阿姐：“其实你最亲切嘅人，係点称呼你，会唔会叫你‘阿荃”？”Kay演绎阿姐当时语气，相当传神︰“佢（阿姐）好认真咁答︰‘冇呀！’我问叫你‘阿荃’会唔会亲切啲？佢话︰‘冇人咁叫！’”
今天（6日）阿姐在Ig贴出和Kay的跳舞片，歌曲是阿姐的红馆演唱会主题曲《Make my day》，阿姐和Kay表现甚合拍，阿姐在Ig的留言隔空回应Kay当年提问，阿姐写道：“无人嗌我阿荃㗎啵！嗌我Liza啦！”Kay亦在阿姐该Ig留言：“我哋呢个组合叫做"荃盛时琪"。”不少网民亦发挥食字创意帮手改2人组合名：“两荃琪美”﹑“华丽荃琪”等。
