专访｜罗天宇呻被“女神收割机”绰号拖累：对我唔係好公平 | 香港01
罗天宇可说是“女神收割机”的代名词，由林芊妤到苟芸慧，再到汤洛雯，每位都是“女神级”艺人，幸福程度简直是抛离寻常人十几条街，但看似是“男人之最”的他，竟然于年轻时，不止一度而好几度怀疑自己的性向。
呻被“女神收割机”绰号拖累：对我唔係好公平
每当与罗天宇提起“女神收割机”时，他总会微笑着问：“不如讲其他话题？”又或是说“又讲？”但相比起其他艺人，每次他总会知无不言，落落大方地回答问题，着实令人又爱又恨。想当然，完全不答是不可能的！要讲他的爱情史，就倒不如聊一下他对“女神收割机”这个称号的睇法。
对于“女神收割机”这个称号，他直言觉得不公平。“我觉得有啲…唉…点讲呢？（对你唔公平？）都係嘅，因为好多都唔係真嘅，都係传或者俾人写，第二就係做呢行个个都係‘女神’，所以就，我觉得好多男艺人或者歌手，大家嘅伴侣都係‘女神’。（暗示其他人比你多，但只有你被称女神收割机？）哈哈，係。同埋有咗呢个称号之后，好多记者就会搵方法写多啲，因为Juicy。”
他举列，与一班朋友打篮球后合照又会被传媒大做文章，与女性友人食饭又遇到同样情况。“係囉，有啲唔公平，但係又冇办法，支笔喺人哋度。唯一可以做就係做好自己。”
啱啱入行就俾高层珍姐训话
罗天宇直言，中学读书时期的他言谈举止都颇为乸型，亦因此而引起一些误会。某些同学见他没有女朋友时，更直接问他：“你係咪基㗎？”类似的问题，其实也曾于他入行之后发生，又因此而令他遭到TVB高层珍姐（曾励珍）的训话。
讲到此事，他在《香港01》专访中回忆起当时的情况。他说：“嗰个画面，其实实质真係唔係好记得，因为十几年前发生嘅，但係我记得嗰时啱啱选完（2008年《香港先生竞选》），跟住监制就同我（一齐）行去公司某一个位，咁珍姐咁啱迎面而嚟，然后监制就介绍，就话佢係香港先生。跟住佢（珍姐）就闹我。”
珍姐：行路思思缩缩，讲嘢阴声细气
他续说：“佢第一下就话：‘乜行路思思缩缩㗎？细细步咁样，行大步啲！挺直个胸膛，做咩捲埋一旧？咁冇自信咩？讲嘢阴声细气咁！’咁囉，即係可能自己习惯对住前辈就要好恭敬咁：‘珍姐您好’细细聱咁样，可能因为咁就畀佢一种思思缩缩嘅感觉，佢唔锺意，认为我要男人啲。呢段一路都喺个脑海之中，所以每次见到佢都会即刻挺起胸，行大步啲，唔可以碎步。”他表示，被训话之后就一直记住那句说话，说：“到而家都怯，唔好话嗰时，怯咗十几年。”从现在回看当时的情况，表面上珍姐虽然看似“好恶”，但其实正因为这次相遇而马上改变了罗天宇的习惯，亦帮助了罗天宇的星途。
在学时，入行后被误会是同性恋
聊到为什麽会“思思缩缩”“阴声细气”时，他想了想，然后就表示可能由于自细从女人堆长大的关係，所以不知不觉中形成了这种性格。其后罗天宇更大爆小时候在学时期，曾因为这个特质而被同学误会是同性恋。
罗天宇：兰花手都尽量收埋
罗天宇说：“自己都有怀疑过自己係咩呢？嗰时对自己唔了解，同埋自已动作同埋所有嘢都唔係好豪迈。（兰花手？）兰花手都……尽量收埋，哈哈。即係，有段时间自己都怀疑自己。譬如我出街望啲男仔，留意吓，唔係话锺意嗰种，而係觉得‘哗咁有型嘅，咁高嘅？’到而家都会好羡慕，但係又真係冇，真係锺意女仔。”
测验自己性向
对于自己的性向，罗天宇坦言当年曾经认真地思考有关的话题。他说：“当认真去谂嘅时候，我一谂男仔同男仔，打个譬如，我同呢个男仔一齐会係点呢？咁又真係觉得唔可行喎，经历过几次来回思考之后，就确自己唔係嘅。”问他当年有否上网睇片测自己的性向，他就马上耍手拧头，说：“冇冇冇，唔得唔得唔得。”
