TVB视后大爆大合照企位内幕 竟被追问：淨係同啲导演瞓就得？ | 香港01
余迪伟日前（7日）现身网上节目《丝打围炉》接受主持人练美娟（娟姐）和唐诗咏访问，宣传将于明年1月举行的全新一人剧场《Fabulous Me》。当主持人与嘉宾讨论到有关艺人大合照企位的问题时，娟姐向唐诗咏提问：“曾经喺间大公司（TVB）做过，你真係做到咁面面俱圆，但我觉得你係傻妹。”唐诗咏则诚实回应：“係呀，但唔好理我，总之唔好见到我（大合照）。”
唐诗咏揭TVB大合照企位内幕
余迪伟说：“但係喺嗰啲环境影大合照，会有人手踭撞人踢你一脚，我都听过晒，甚至啲大合照分晒位同埋有名。”唐诗咏回应：“冇听过喎，呢啲故事，真係嘅咩？但我试过唔可以唔企返喺嗰个位。不过个排位係好影响个心理质素状态，我都係慢慢从配角开始做起，可能第四行，但係下一年就变咗去咗第五行，我就会觉得有咩事，下一年又突然之间去返第六行，又或者去返第三行。”
唐诗咏被问同导演瞓敏感问题
余迪伟继续追问唐诗咏：“咁你係企喺第几行离开公司（TVB)？”唐诗咏点头默认自己是站在第一排的位置时选择离开公司，她续说：“（影TVB大合照）嗰阵时我唔想牵涉好多是非。”余迪伟又提问：“淨係同啲导演瞓就得？”唐诗咏笑说：“如果可以嘅话，都冇人敢做，我冇听过会有人咁做。”
