陈桢怡有份拍古天乐贺岁片当係学习：戏份唔太多 | 香港01
无綫（TVB）剧集《巾帼枭雄之悬崖》进入结局周，日前（16/11）一众出席剧集宣传活动。陈桢怡接受《香港01》访问时表示，剧中很多场面都令她很感动：“最唔捨得係我同韦豪同桂花香呢三个关係，我睇到喊晒。”
记者笑言，陈桢怡饰演的宁俐是关係中的第三者：“佢哋未必唔捨得你。”陈桢怡又说：“係，可能係我一厢情愿。其实私底下我同桂花香先係一对。（不可告人的秘密？）冇错！（目标係桂花香？）我发现有啲网民将我同桂花香剪咗一条好sweet嘅CP片。”
问到陈桢怡对饰演“百合CP”的睇法，她就回答：“现实当中我冇啦，所以如果剧入面可以做CP，我觉得都係一个几好玩嘅体验。”
近日片方释出贺岁片《临时决斗》的海报，有十分多“大卡士”演员参与，例如古天乐、梁咏琪、王丹妮、胡子彤、周秀娜 等。海报更以各位演员的名字做设计核心。据知陈桢怡也有参演，但名字就没有出现在海报之上。
陈桢怡也回应：“当一个体验学习嘅心态。（拍咗几耐？）一日。戏份唔太多，不过真係学到好多嘢，所以好感恩有今次机会。”不过她就表示剧中角色要保持神秘：“呢个角色未做过，到时大家就知。”
