明报：走出阴霾期待BB明年出世 萧正楠变紧张大师睇实黄翠如
萧正楠与黄翠如2018年结婚，两人日前宣布怀孕喜讯，并透露曾经历小产伤痛，用了一段时间才能找回生活的平衡，现在已走出阴霾迎接新生命来临。萧正楠今晚出席TVB《万千星辉贺台庆》，黄翠如未现身。萧正楠受访时说︰“今日返嚟公司，好多公司同事都为呢个未出世嘅BB畀咗好多祝福，非常之感动﹗多谢公司所有台前幕后同事﹗”
萧正楠未透露太太目前怀孕周数，亦保密胎儿性别，只说目前是一个可以公开的时间。他坦言虽然已平复了将为人父的喜悦，但每日的心情依然像坐过山车、一步一惊心，每一刻都很想知道胎儿是健康。他说︰“有时佢安静少少，都会突然间好担心。点解呢2、3个钟佢会咁静嘅？但係我要扮冇嘢，因为唔可以畀翠如有啲压力，所以会讲嘢缓和吓、轻鬆吓。”
萧正楠表示黄翠如没什麽害喜反应，很少呕，还比从前更尊重他。他笑言已准备好任劳任怨︰“翠如有好多动作唔可以做。我话‘你见到乜嘢觉得唔妥即刻同我讲，我会飞身过去搞，你唔好自己搞’。我依家会成日望住佢，睇吓佢望紧乜嘢。佢望到嗰度，我即刻去抹咗就冇事囉﹗同埋每朝早一定要畀鸡蛋、牛奶、维他命，提醒佢食。”
萧正楠表示黄翠如今次怀孕算是意外，他们没特别去想生育问题，谁知太太有天就拿出验孕棒叫他看。萧正楠续说︰“我当时真係瞓紧觉，睡眼惺忪咁，当刻嘅心情好难形容。”他表示黄翠如会继续做她认为做得到的工作，大前提是胎儿安全，公司亦十分体谅。萧正楠说︰“多啲时间畀佢休养吓、唞吓，希望出年顺顺利利，承大家贵言可以做爸爸，呢个係我2025年一个最大嘅心愿﹗”
谈到是否已走出小产嘅阴影时，萧正楠说︰“其实我哋冇特登去提呢件事，因为係我哋两个人好伤心嘅一件事。我哋用咗好长嘅时间行番出嚟，所以今次嘅BB令我哋好大嘅喜出望外。”
萧正楠坦言黄翠如的孕肚已开始遮不住，他们决定公开消息前特别问问胎儿意愿。他说︰“我哋同佢讲，我哋准备将你介绍畀出面啲哥哥姐姐知道，你想嘅话就踢我一脚，结果我係识佢以嚟咁耐，佢最大脚踢咗落我隻手度，踢到我隻手弹咗一吓。”
