明报：张驰豪新曲膺电台冠军歌 粉丝买大型广告牌应援
张驰豪（Aska）早前推出新歌《宇宙逃生口》，打入本地三大电台歌曲流行榜，更成为新城电台劲爆本地榜冠军。Aska十分感谢大家支持︰“今次《宇宙逃生口》可以攞到好成绩，我係十分之开心。呢一首歌又係玩咗一啲平时广东歌好少听到嘅曲风，可以将我平时听开嘅音乐类型变成自己嘅创作，再分享畀我嘅乐迷，係我作为一个唱作人好享受嘅事。”
Aska近日获粉丝们租下港铁站内的多块广告牌应援。Aska特别走到其广告前“打卡”，他说︰“每次见到粉丝对我的支持真的既开心又感动，所以噚日我特别嚟到金钟站‘打卡’。其实我有啲感触，因为我嘅粉丝真係对我好好。谂番我3年前仲係懵懵懂懂都有粉丝嚟支持，係好意想不到嘅事。呢班fans有好多都好似我嘅屋企人咁，不离不弃，见证住我一步一步嘅成长。好多谢佢哋冇放弃过我，同埋喺我最低落嘅时候畀咗力量我。我希望係嚟紧2025年可以继续突破框框，带嚟更加多有突破性嘅作品畀大家听到，同时应该都有机会拍剧，大家可以期待一吓。”
