陈炜内地拍剧十几日 返到屋企即做一事同老公有关 | 香港01
陈炜（炜哥）昨晚（29/11）现身启德出席《别出“深”裁时装设计比赛2024》。炜哥接受《香港01》访问时表示：“我今朝6点先喺内地拍完剧《正义女神Themis》 ，瞓咗唔係好多，之后又要赶返嚟香港出席今晚呢个活动，出席完呢个活动之后我又要返番上去开工，前后喺内地都拍咗10几日，都真係好攰，因为呢个角色係律师嘅关係，变咗要背好多专业名词，係要用好多精神去熟读，个人係好攰，有时候返到嚟香港屋企，我係攰到唔想同老公讲嘢淨係想瞓。”
炜哥又指近来在内地开工拍剧十多天，已有一段时间未返家，故一到家中便要急忙做家务：“因为我老公唔唔识执屋，加上佢又忙，始终屋企係会有啲乱，咁所以我一返屋企首要任务就係做家务，将个屋企打扫得乾乾淨淨。”
