36岁电视台小花冇剧拍打几份工帮补生计：啲衫著到烂先攞去回 | 香港01
丁乐锶（丁丁）今日（29/11）现身天水围出席无綫热播剧集《异度感应》宣传造势活动。丁丁接受《香港01》访问时表示：“今次呢个角色係好有挑战性，因为有好多方面都係新尝试，而呢个角色我係唔可以话俾大家知我做乜，因为一讲咗出嚟，就会影响晒成个剧集嘅追看性，我只能够讲係一啲破案嘅关键嚟，变咗我係唔可以剧透。”
对于戴耀明为了生计不怕面子，到茶餐厅做侍应，帮客人落单送餐。原来丁丁也有开工不足的日子，都会死悭死抵不会乱花费购物，而且还会做兼职帮补生活费：“其实自己比较悭，都唔会乱咁去买嘢，生活上好多嘢都会好简单，同埋会环保，例如啲衫会著完再著囉，著到烂先会攞去回收。同埋有时候遇到冇工开嘅时候，我都会做兼职，因为我有个姨姨佢係做礼仪师，咁所以我係跟佢去做嘢，呢份工我都做咗3年，咗啱係喺疫情嘅时候去做，而家冇剧拍嘅时候，我都会去帮手，除咗呢份工同拍广告之外，都会到朋友诊所帮手，可以话乜都捞吓咁。”
