陈浚霆爆顾纪筠有意复出拍《爱回家》 唔介意演群姐但戴自家鑽石 | 香港01
无綫电视新综艺节目《一个香港.十种玩法 过节篇》由江美仪担任主持，昨日（3日）举行记者会，当中一班的嘉宾亦有出席记者会助势，例如有：丁子朗（丁丁）、冼靖峰、江嘉敏、陈浚霆、罗毓仪、潘静文、邝洁楹及邵初等人。
陈浚霆接受《香港01》访问时表示再次与江美仪合作综艺很开心：“上一次我哋拍一个节目已经差唔多一年前啦，就我哋四个，我、麦包、美仪、滕丽名，咁今次我哋两个拍住呢都有嗰种默契喺度。”
但当中就发生了一件小趣事，就是监制神色凝重地找陈浚霆，问他会否改口叫回“美仪姐”比较好，但他马上拒绝：“我叫咗佢10年都叫美仪㗎喎，我话无啦啦嗌美仪姐会唔会好怪呢？同埋毕竟我身份係佢契爷嚟，冇理由冇啦啦嗌佢美仪姐嘅！”
日前剧集《爱.回家之开心速递》到内地举行见面会，未知是否每次活动陈浚霆与古佩玲都会被拍到偷偷放闪，在镜头后“拖手仔”这些亲密行为，所以今次索性大方地在台上台下都放闪。之后二人更在社交平台发文放闪，认真“甜到漏”，连陈浚霆自己都说：“攞正牌咁样，公司批准！”
事后陈浚霆解释道：“嗰日嗰个theme係一个CP嘅记者会，每一对都係一对CP嚟，我哋玩游戏输咗，咁要摆几个pose畀大家去打卡。当大家临急临忙谂到冇嘢好做嘅时候，我就问佢：‘我可唔可以抱起你啊？’因为我惊佢著啲衫有危险，咁佢话OK，问准咗我先做嘅。”
说到他跟古佩玲的关係，陈浚霆指她是“I cannot ask for anyone better”的人，亦指她是很好的“拍档”及“工作伙伴”，最多只是朋友。他被问到与古佩玲是否没有机会发展时就表示：“我哋个重心喺事业上比较多。”
陈浚霆没有明言与古佩玲“冇机”，对大家的关係亦留有一丝的空间，让大家留有馀地。
早前TVB台庆时，陈浚霆的妈妈顾纪筠（顾老闆）出山回娘家做主持，而陈浚霆见到顾老闆就表示自己很紧张：“佢嗰日都做咗好多准备嘅，其实佢係准备咗好几件衫，几套晚装，但係见到大家都冇换嘅时候，佢就舒舒服服由头著到落尾。”
他亦提到自己小时候会等待顾老闆收工，然后去吃夜宵，今次顾老闆回娘家，他就感觉全都回来了。
陈浚霆被问到今次顾老闆出山做主持，之后会否有复出拍剧的打算，他则表示她可以客串《爱回家》一剧：“曾经佢都话唔介意去做下群姐拖吓地啊，但係佢会戴返自己啲鑽石耳环，可能佢做一个undercover嘅扫地啊姐！等佢有心理准备先啦或者剧情需要，我相信佢肯嚟客串嘅！”他更表示与顾老闆一齐拍剧不需要担心，因为她很“淡定”。
