马国明再回应老婆汤洛雯怀孕 预告深圳过圣诞兼结婚周年 | 香港01
马国明、小迪今日喺迷你仓活动上“父女重逢”，马明接受访问笑称“唔可以揽揽，唔够胆，嗰时同佢拍戏係可以手抱。”
马明透露近日大部分时间喺深圳拍剧，老婆亦不时去探班，讲到老婆再被传怀孕，马明表示：“暂时真係未有，如果有会好大方咁讲，大家唔使估。”
对于经常被传怀孕，马明认为是大家太想所致，就好似公布拍拖就火速被传结婚一样。问到汤洛雯有冇食中药调理身体，马明表示：“又冇，但佢有运动。（有无帮你补？）都冇，老婆唔识煲补汤，简单汤水就识。”
马明指老婆缺席台庆是因为有工作在身，今日她亦有广告要拍，仲叫大家唔好误会佢坐屋企冇嘢做。圣诞节将至，马明预计要留在深圳开工，由于适逢结婚周年，所以老婆会到深圳庆祝，而礼物亦已收到。“佢就未送，大家提提佢，（你想要咩？）佢知嘅，仲拣紧。”
