星岛：异空感应｜阮浩棕叹娱乐圈好黑暗同鸡排胸有关？
丁乐锶现实兼任礼仪师工作因一事被封“赵希洛2.0”
【异空感应／TVB台庆／陈家乐／陈晓华／阮浩棕】TVB剧集《异空感应》目前在热播中，虽然今周已进入另一个故事，不过陈家乐、陈晓华（Hera）和阮浩棕这个铁三角组合仍然成为焦点。在昨晚（4日）播出的一集，阮浩棕罕晒一对健硕的胸肌，再加上高颜值，成功在网络引发热议，更被网民以“大波波”来形容相当搞笑。
阮浩棕因为一事称娱乐圈真係好黑暗
在剧集出街后，阮浩棕在IG贴上当日拍摄的花絮相，原来是他生日，陈家乐亲手为阮浩棕解开衫钮，搞到陈晓华尴尬遮眼，阮浩棕留言说：“开拍之前，女PA衝埋嚟话：‘导演想你解开啲钮，见到你条腰包紥好’然后佢好开心咁拍足全程。而家谂返，可能係佢自己嘅意思。而拍嘅呢一日，撞正我生日。明明我拍完扣返好晒啲钮，但係庆祝嘅过程，唔知係边度出现咗一对手⋯将我d钮一粒一粒咁解开，最后仲⋯⋯⋯娱乐圈真係好黑暗呀。”
异空感应丨陈家乐阮浩棕“最强CP”关係有变数
自从《异空感应》自播出以来，陈家乐和阮浩棕这对“最强CP”的似是疑非的Hehe情亦大受欢迎，不过这对“最强CP”的关係随时有变数！在昨晚（４日）播出的一集，剧情讲到“Duncan”阮浩棕之前因为一个举手之劳，竟然被“Candy”丁乐锶疯狂爱上，丁乐锶除了在阮浩棕活动范围失惊无神老是常出现，到处声称是阮浩棕女朋友外，还骚扰到阮浩棕身边人，阮浩棕在忍无可忍下决定摊牌，岂料因而刺激丁乐锶情绪，继而发癫大声吼叫兼玩自残，混乱间阮浩棕被意外刺伤送院。
留院期间，阮浩棕因要包扎伤口关係未能扣上上衣钮扣，令超结实胸肌若隐若现，加上阮浩棕的高颜值，结果成功在网络引发热议，网民除留言：“你咁大隻得唔得？”，更以“大波波”形容阮浩棕，相当搞笑。问到阮浩棕拍摄前有否刻意操胸，他透露于开剧前已接获Amy姐（王心慰）order要练大隻，并花了约一个月时间日日做gym build肌，阮浩棕更乘机卖关子谓：“我之所以要练大隻，係同Duncan嘅背景有关，大家继续追落去就知架喇。”
异空感应丨丁乐锶被封为“赵希洛2.0”
饰演“变态恋爱脑”的丁乐锶（Janice），凭藉靓靓外表、Gfable的甜美笑容，及挥洒自如的癫丧特写镜头吸引关注，网民更封她为“赵希洛2.0”。其实丁乐锶于2009年艺训班毕业后，已经凭《美女厨房》中的“美味天使”肠粉而受观众熟悉，多年亦曾参与过不少剧集拍摄，当中较突出的除有《杀手》中的兔女郎，还有《旁观者》中的超不负责任Mk妹妈咪。
今次：“丁丁好靓女，希望多D戏份”、“灯勤女朋友几正，我锺意”、“有唐诗咏影子，媲美赵希洛”、“入咗行咁多年都仲keep得好好”、“痴女咁正又真係唔错”。丁乐锶再度突破，她一再感恩Amy姐（王心慰）看到她“不为人知”的一面：“我由细到大都係古古怪怪、有少少神经质嘅，估唔到Amy姐会留意到，好多谢佢够胆用我演啲咁有发挥、又得意嘅角色，我之前真係好少有机会讲咁多对白。”
丁乐锶为“深爱阮浩棕”向张达明求救
不过今次“深爱阮浩棕”，丁乐锶说：“有时同阮浩棕对戏，会Feel到佢对我嗰种厌弃，一望到咁样我就有啲惊，觉得自己好难爱上呢个人，加上我哋拍之前完全唔识大家，所以成件事并唔係想像中咁简单，我最后唯有打畀张达明老师嗌救命，佢就教咗我一啲快速投入角色嘅方法。”
丁乐锶早前曾参加过张达明教授的演技班：“佢喺我心目中係师父，佢真係好似爸爸咁，就算个Course完咗，你有咩问题佢都好Welcome你打去问佢。”丁乐锶续指造型上“爱的纹身”及刀疤，也是难度所在，皆因相当花时间及功夫：“拍嗰时天气都几乾燥，著长袖衫会好易整甩个妆，所以要不停边拍边补；同埋因为啲刀疤要用风筒吹乾，所以都会流血同爆拆。仲有就係啲刀疤要Keep住相同嘅数量啦，有时都要谨记住同提番个化妆师。”
丁乐锶演戏外还兼顾礼仪师工作
丁乐锶曾表示目前有兼顾礼仪师工作：“阿姨主要为基督教同无宗教嘅丧礼仪式做礼仪师，有时係追思会、亦处理过火葬同土葬。太传统嘅仪式我未必好帮到，我多数都係执头执尾，可能係帮手叠番靓啲花，例如帮手剪靓同叠靓啲花、然后畀宾客放喺棺木上，又或者睇吓家属需唔需要帮手处理帛金，又或者喺佢哋心情好差时，有咩帮到手都尽量去帮手。呢个行业最大嘅难处，可能係有时见到逝者嘅亲友好伤心咁喺度喊，就算自己受到感染都要尽量忍住唔好喊，要尽量保持番个平衡。同埋每位家属要求都会唔同、唔同场地做法亦唔一样，土葬和火葬也是不同处理方法，所以要学习的东西很多。”
