爱回家｜张景淳自言圣诞好得閒 吴伟豪日日同呢位“猛男”过 | 香港01
《爱．回家之开心速递》吴伟豪、张景淳、陈浚霆、樊亦敏、滕丽名 等人今晚（06/12）出席仁济的盆菜晚宴活动。吴伟豪和张景淳接受《香港01》访问时，吴伟豪表示曾参与过仁济活动，他们也表示当晚需要出骚唱歌。
张景淳更笑言：“好彩唔係搵我做主持，你知我讲嘢好慢。”
问到圣诞节的活动，他们均表示圣诞节那段日子都是以工作为主，张景淳更“卖广告”说：“嗰段时间我哋都係得閒嘅，其他时间都度晒，淨係圣诞好得閒！”
单身汉会否约异性行街约会？吴伟豪回答：“我冇谂过，我顾住陪我细佬。因为佢去咗外国读书，都成年几两年，难得今年可以留喺香港两个月，所以我keep每日得閒都约佢打网球，一齐打壁球。返到嚟终于可以睇吓佢成长咗几多。”
单身过圣诞会否觉得寂寞？吴伟豪也回答：“我觉得有《爱回家》呢个剧组唔觉得lonely，圣诞节大多数都係开工。”张景淳说：“我觉得公司有心思，喺圣诞前后一两日有大围戏，我哋都喺嗰度叫到会，庆祝埋，同台前幕后一齐庆祝，基本上每一年都係咁做。”
