明报：孙慧雪宣布结婚后现“脱粉潮”父母离异 嫲嫲凑大弥补母爱
孙慧雪日前到新城广播接受谭玉瑛、何基佑及黄筠儿主持的《QK玉瑛室》访问，大谈遇过的疯狂粉丝；初出道便成为“宅男女神”的阿雪，自爆2016年宣布结婚后，即出现“脱粉潮”，她说：“结婚前我啲粉丝99%係男仔，一宣布结婚就好多人走，最深刻有位粉丝话好嬲我，佢话好伤心，喊咗成晚。”
阿雪透露早年在寓所附近工作完毕，于是选择走路返家，赫然发现一名男子跟踪自己，令她吓破胆，她说：“我企喺到望住佢，等佢惊，佢再匿入去条柱入面，我就急步走，好彩都撇甩佢，不过我好多粉丝都好窝心，会成日关心我，好感受到佢哋嘅支持。”
婚后诞下两名可爱儿子的阿雪，自嘲是师奶并已失去魅力，不过谭玉瑛大讚她，她说：“当初认识阿雪，觉得佢好靓﹑好主动同人倾偈，又成日笑，我最锺意呢啲女仔；同埋我对佢印象特别深刻，因为佢同我讲佢‘M痛’，我心谂‘M痛咪M痛囉，我都帮你唔到’，乜呢啲都会同人分享咩？”阿雪大笑回应：“我有分享症，乜都讲晒畀人听先舒服。”
阿雪童年时父母已分开，她从小由嫲嫲凑大，嫲孙感情深厚，她说：“嫲嫲𠵱家99岁，係好可爱嘅一个人，我妈咪喺我好细个已经离世，我同佢由细到大都冇乜相处，有人会用可怜眼光睇我，但我真係冇嘢，因为嫲嫲畀咗好足够嘅爱畀我。”
