岑丽香过档HOY TV拍剧演体贴女孩 为陈家乐委屈落泪 | 香港01
HOY TV首部原创剧集《我爱九龙城》早前先完成陈家乐为岑丽香庆生兼求婚的重头戏，日前竟然见到两位“面左左”，香香更眼湿湿，家乐表示这是一场尴尬的戏份：“因为饰演大佬嘅泰臣出咗事入院，呢场就讲我返屋企同佢执嘢嘅时候，撞到香香，因为我同香香本身有啲好複杂嘅感情问题，所以就有啲尴尬咁囉! 导演一直都强调我哋呢套剧係一套悲喜剧，总之就係笑中有泪。”
而香香就笑言本身角色係一个好体贴嘅女孩：“我都係想帮大嫂照顾下啲小朋友，都唔知佢喺度，因为都知道男人係需要空间，係咪好体贴呢! ”
另一边厢，饰演二哥的敖嘉年，就是制造问题的人物：“呢场戏係讲我上大嫂姚乐怡屋企借钱开麻雀馆呀! 其实呢个角色都唔係一个杀人放火嘅坏人，只不过係贪小便宜，当中会影响兄弟情，但係最后都係好感动嘅! ”
剧集除咗有资深演员之外，亦有两位新进演员阿米以及张牵迎，分别饰演泰臣及姚乐怡的女儿，两位表示可以同前辈合作，感觉既梦幻又紧张，完全是一个学习的黄金机会，但乐怡一讲起她们，立即非常苦恼：“我日日喺屋企真係一头烟! 除咗要对住两个囡囡，一个係隐青，一个係反叛少女，仲要对住呢个唔生性嘅老公! 即係其实我唔係得两个女，仲多咗一个大仔! ”
反之泰臣就表示心凉：“我当然唔会表现出嚟啦! 表面仲话，哎呀老婆辛苦你啦! 直情做返一个演员嘅本份呀! 哈哈哈!”
同场的还有久违了的J.Arie 雷深如，原来她已经有七年没有拍剧啦：“哗! 真係差啲遗忘自己有演员呢个身份，而今次唯一要准备嘅就係自己嘅心情，因为平时个人太Hyper喇! 但係今次要饰演一个社工，如果唔冷静啲，都解决唔到人哋嘅问题!”
