星岛：黎耀祥落区任限定店长变拉票活动 获力撑四度争视帝已觉破自己纪录
《万千星辉颁奖典礼2024》将于2025年1月19日举行，黎耀祥（祥仔）凭叫好叫座的《巾帼枭雄之悬崖》再度成为最佳男主角的大热人选。黎耀祥今日（14日）以代言人身份快闪现身工展会，为品牌担任一日限定店长。
黎耀祥有求必应
黎耀祥今日现身工展会时，引来不少顾客帮衬，更有大批市民围观合照，又表示支持并投票支持他“柴十七”四封视帝。向来亲民的祥仔，被邀自拍合照、签名都来者不拒，任影唔嬲，成功为店舖招财。
黎耀祥表示：“我好锺意做呢类型活动，可能《巾帼》播完唔係好耐，大家见到会特别亲切，我介绍下产品、推广下，佢哋又帮衬下、讲下睇剧……我都有把握机会代表《巾帼枭雄之悬崖》拉下票。”
黎耀祥获街坊打气
对于有市民力撑破黎耀祥纪录，成为首个四夺视帝的艺人，黎耀祥笑言会以平常心面对：“讲真一直对奖项都好佛系，观众对三个角色柴九、刘醒、大太监李连英都好锺意，仲要有奖项去认可，已经破晒自己嘅纪录，非常满足。不过今日见到市民、街坊同你打气时，都有个谂法，觉得有份落场参加比赛，要有体育精神嘅，所以我都好努力吖，叫大家锺意就去投票支持下，始终每个奖项都係对台前幕后努力过嘅人一种肯定同鼓励。”
