翁子光爆《踏血寻梅》曾被改名《人肉私钟妹》︰太文艺旺角上唔到 | 香港01
翁子光为《爸爸》接受雷霆881商业一台《星光背后》专访，分享首次与刘青云合作及揭露影帝看剧本的癖好外，亦剖白了当年《踏血寻梅》争最佳电影败给《10年》的感受。节目中，他还亲披露了《风再起时》被“冷处理”两年的经过，虽然《风》片票房滑铁卢，但翁子光的失望不在于票房。
现年45岁导演翁子光，2015年凭第三部执导电影《踏血寻梅》横扫金像奖夺6大奖项成名，之后更有机会北上拍摄合拍大片《风再起时》。继两前回归香港监制何爵天的《正义迴廊》后，最近翁导再改篇2010年轰动全港的荃湾享和街弑母杀妹伦常惨案成刘青云主演的《爸爸》。
《爸爸》筹备十年，等足刘青云两年才开拍，被问到非刘青云不拍的原因，翁导说：“因为刘生成个人有种随意嘅感觉，佢唔会好紧张自己形象。佢在电视剧《孖仔孖心肝》可以好市井，而电影上好似无见过佢市井嘅角色。我唔知边度嚟使命，好想同佢合作，想将市井感觉嘅刘青云呈现俾观众睇。”
他最初误以为刘青云对接拍他的电影有犹豫，“我先觉得佢係有犹豫，因为佢以往大多数同熟识导演合作，好少会同新导演拍。拍完《爸爸》后我再同佢讲，啲人话好难搵你合作，佢就话：‘其实唔係嫁，你睇下我都接咗你嘅戏啦，你帮我宣传吓啦，其实可以搵我拍戏嫁！’。”
对于剧本能吸引青云，翁导大揭三届金像影帝看剧本的癖好：“我都係循正常途径搵佢经理人，之后佢经理人May都有比少少贴士我，叫我将剧本打印出嚟整到靓靓地，俾佢好似睇小说咁。”
至于戏中有场露股床上戏，翁子光指刘青云及女主角谷祖琳都没有任何犹豫，“一啲犹豫都无，最初剧本无形容得咁仔细，係谷祖琳同刘青云要求认真拍，佢地差唔多同一时间同我讲呢个场口，都係讲同一番说话：‘我地唔可以轻轻鬆鬆借位求其拍。’我地成部戏好有真实感，所以呢个场口係有挑战性係难，但佢地都愿意主动拍得再深入啲。”
翁导令郭富城再夺影帝的《踏血寻梅》于2015年上映，但原来早于五年前已经写好剧本，但因为与首位投资者意见不合一度搁置，翁导说：“2011年好早已经有公司睇中，甚至当时已经倾好搵郭富城演出、杜可风做摄影。但我当时又係新导演年少气盛，同投资方沟通处理得唔好，令套戏搁置咗一次。”
他亲述双方矛盾原因，“我唔肯妥协，最初部戏叫《踏雪寻梅》更加文艺，老闆就话部戏喺旺角上唔到，更有人提议叫《人肉私钟妹》，嬲到我成晚瞓唔著！好唔尊重个角色囉！我话叫呢个戏名都唔可以喺中环地方上喎，有好多呢啲磨擦。”
《踏血寻梅》事隔数年再获美亚李国兴先生投资，翁子光才成功开拍《踏血寻梅》。当年《踏》片横扫香港电影金像奖获13项提名，当中更获得影帝、影后、最佳编剧等6大奖项，问及当年最佳电影输给话题多多的《10年》有否失望，翁子光斩钉截铁说：“当晚我无唔开心，当晚好多人访问我，输咗俾《10年》有无唔开心，我话其实我有睇呢部电影，我觉得係一部好嘅电影，所以我输咗俾一部好嘅电影，咁仲有咩可以讲呢？”
《踏》为翁子光打开内地巿场，之后获邀执导合拍大片，由两大影帝郭富城及梁朝伟合作的《风再起时》，但电影拍完后及至2023才能上映，最终两亿成本于内地票房不足五千万。
问翁导电影事隔两年才上映、与及票房失利的原因，他说：“我由细到大都想拍华探长磊乐同南江嗰个时代嘅香港，最初都好顺利可以同老拍档郭富城合作，而梁朝伟好锺意《踏血寻梅》，所以好荣幸可以搵到梁生合作。隔两年上唔关任何演员事，因为当时拍摄完时，香港社会上有好多变化事件，一路等咗几年都好似未适合上映。有啲人就话，问题唔係套戏，係香港个环境，要睇定啲先。”
惟2023年上映后，翁子光的影迷及身边朋友却对他拍《风再起时》有不少负面声音，这才是最叫他失望，“我非常失望，但唔係对于票房，一部电影就好似我亲生仔咁，就係代表我。一开始观众觉得我好香港仔，好似代表一啲声音，但呢部戏上映后，对我印象一扫而空，大家会一面倒攻击我，我有朋友亦变得好陌生，呢个先係我最唔开心。”
翁子光重申，那裡有题材让他感有兴趣，他就会到那裡拍电影。至于香港被指对电影有创作红线不能触及，他说：“后生我会企硬，但而家我认为创作有唔同表达方法，伊朗都有电影拍到啦！”
