明报：锺柔美通宵拍剧冇得瞓 自爆上堂“钓鱼” 背剧本压力大
锺柔美（Yumi）接受新城《原来生活好快乐》访问，现就读副学士课程的Yumi，在节目中分享如何兼顾学业和拍剧，Yumi坦言又累又大压力，幸得到剧中资深演员教导，才得以顺利拍摄。
Yumi表示入行至今最辛苦是拍剧，除了经历几天通宵拍剧没睡觉，更试过连续3天放学后赶往开工，她说：“拍剧同返学模式真係好辛苦，尤其我係需要瞓觉嘅人，我唔可以唔瞓觉，唔瞓觉会唔开心、情绪低落，但我好享受工作过程，同跟朋友嘅感觉好唔同，虽然好充实，但太攰的话，我上堂会恰眼瞓。”
拍剧对Yumi来说，最有难度是背剧本，她说：“我背书唔係特别叻，套剧我嘅戏分比较重，当我唔够瞓或者拍到好夜，脑袋会一片空白，又担心自己会唔会令导演失望，佢哋会唔会对我要求好高，我都试过NG好多次，压力好大，不过佢哋好体谅我，又会鼓励我，前辈邵美琪做我剧入面嘅妈妈，佢好好人，好用心教我，而且佢好专业，好值得向佢学习。”
Yumi近日推出新歌《Masterpiece》，凭歌带出人应该要有的自信，而MV中造型多变：“我完全未试过，都几新鲜，希望大家会锺意。”
