新城颁奖礼丨姚焯菲趁休学尽情发展事业 望明年After Class合体 | 香港01
姚焯菲（Chantel )在新城颁奖礼上夺得“劲爆跃进女歌手”金奖，台上表示夺奖是奇蹟。她接受访问时解释是因为今年投放较少时间在音乐上，所以幕后功劳比较大。Chantel 表示休学一年的时间将会用来做音乐，6月亦会参演舞台剧。
她说：“我会一边拍剧一边唱歌，6月尾有舞台剧，冇信心同有啲紧张，希望早啲知道详情。”Chantel强调一定会再读书，但暂时未知会留港抑或到外国，但一定不会像詹天文到内地读音乐。“我有报紧学校，到3月会知有咩offer ，好多人问我想读咩，但我每日都变紧，我而家有兴趣係BBA(工商管理学）同音乐。”
圣诞刚过，问到有没有收到一些“好kam”的圣诞礼物，Chantel 表示：“又冇，但我想喺度呼吁大家唔好再送小菲象，好多谢大家嘅心意，但我屋企真係好多。写信我会睇，所以大家可以写信，（有冇夹埋啲相畀你？）唔好，咁真係会kam 。”
另外，问到After Class 明年会否有望合体，Chantel 表示：“已经有一段时间冇合体，但希望可以。（有冇搵炎明熹Gigi?）佢好似去咗旅行。”
