明报：阮浩棕拒靠关係入行 分享择偶条件 跟何沛珈想法相近
2013年训练班入行、现年34岁的阮浩棕，2017年一度离巢为嫲嫲梁舜燕筹备入行60周年晚宴，才公开其“星三代上等孙”身分。4年前重返TVB后，及至去年入行10年才上位。
近日，阮浩棕于剧集《异空感应》演法医助理Duncan一角而备受讚赏，他接受商台《星光背后》专访，忆述入行11年由跑龙套捱起辛酸，他感谢胞兄养家付出，才能让他坚持追演员梦。另外，他又公开谈论男校出身的感情史，对于与何沛珈拍剧出爱火花的绯闻，阮浩棕认真说：“拍拖点都对事业有影响，最重要係可以互相理解、体谅，了解下先啦。”
除了梁舜燕是祖母，阮浩棕父亲阮惠源亦是剧集监制，二叔及姑母均是演员。谈及科大经济系毕业后，不靠关係入行，阮浩棕坦言因父亲下令，要他投考训练班由低学起。被问及初出道的薪酬，他坦白道：“都係计骚，自己比较幸运，1年后入咗儿童节目《Think Big天地》，一星期4集几可观。我好悭钱，唔买车亦冇乜物慾。”
被问能放胆追梦多年，是否没太大家庭经济负担，他语带哽咽感谢也当过演员的哥哥阮浩锋，“绝对係（无经济压力）！最大帮助係哥哥，我成日觉得对佢有亏欠，因为对屋企供养父母，佢嘅帮助係好大，自己现阶段嘅经济，未係好大能力去support屋企，哥哥做咗好多，庆幸有佢我先可以係呢行走落去。”
阮浩棕2017年曾约满离巢，他说：“当时爸爸喺内地，年纪开始大，冇理由唔喺爸爸仲未退休嘅时候去见识下世界，人在人情在，如果佢退咗落嚟，会谂係咪有冇机会去睇咁多嘢呢？”
在内地发展数年后，阮浩棕于2020年回巢，阮浩棕指刚巧参与了父亲与监制王心慰（Amy姐）的聚会，因而获得《我家无难事》米刚一角，他说：“Amy姐话角色好啱我，大监制开口，我梗係好快就应承。最初係谂住拍完呢套就走，未知前路係点样，之后公司再同我倾约，叫我返去做。”阮浩棕指当时选择留港回巢，除了因为早一年嫲嫲过身，其次，他想多些时间留港，陪伴年长父母，他说：“当时一来疫情，二来更大原因係因为Amy姐嘅邀请，如果唔係佢邀请同用我，基本上唔会有后续嘅事情发生。”
出身演艺世家，被问及为何最初不靠关係入行，阮浩棕坦白道：“初入行一直冇公开自己家族关係，係因为唔想自己做唔住离开呢行嘅话，会连累家人受议论，或者一直一来都畀紧后路自己。”
捱至第10年才攀上男二，他不觉兜远路及怀才不遇，他说：“以前都会有谂怀才不遇呢件事，但明白世上无係怀才不遇，怀才不遇係因为你自己未ready，你见到你嘅才华只係你潜能，唔係能力。𠵱家望番自己比上一年进步咗，就觉得唔需要谂咁多，继续去做。”
2年前，阮浩棕因《灵戏逼人》与同剧的2020年港姐五强何沛珈传绯闻，近日他再在钱嘉乐主持的游戏节目，间接承认何沛珈女朋友身分，对此他笑称；“当时只係玩游戏，顺住大家思路去讲个答案出嚟啫！最紧要係帮到套剧宣传啫。”
节目中，他由始至终坚拒承认与何沛珈的恋情，但一说最初何沛珈给他印像，他说：“哗…咁难答！（港姐五强？靓吗？）坦白，最初我唔知佢係2020年港姐五强，嗰阵无留意选美，所以唔知。”至于为何能成为“好朋友”，他说：“我哋谂法﹑价值观好接近，所以有约一齐食饭，佢亦係一个好有天分演员。”
追问阮浩棕选择伴侣的条件：“最紧要想法一致，可以互相理解体谅，我哋呢行好难令人明白点解我哋咁得閒，或者忙起上嚟会唔见咗人，始终同大部分工种唔同，同埋演员嘅情绪波动好大，如果对方唔了解好难继续。”
再追问何沛珈是否满足所有条件，阮浩棕笑称：“了解下先啦。”最后，他更认真说：“喺呢行，拍拖点都对事业有影响，况且𠵱家我未能够养妻活儿，自己较传统，结婚生子对自己是必然之事，但𠵱家会以事业为先。”
