星岛：朱千雪未有计划追B：搞掂呢个先
大讚老公落手落脚凑仔 提议新婚蒋家旻先享受二人世界再生育
朱千雪（Tracy）今日（10日）出席奥比斯•曼秀雷敦“蒙查查～食茶点”活动，与担任司仪的林秀怡和过百位小朋友一起体验蒙眼食茶点又玩护眼挑战。曾千度近视的朱千雪，表示现在不会经常玩电话，亦会定期检查眼睛，更尽量不会让囝囝接触电话。
她说：“我读小学三年班已经有三百几度近视，以前成日睇书会匿喺张床盖住张被度睇，可能养成坏习惯睇，近视唔敢同父母讲，等到睇唔到嘢先检查，之后近视加深，直至廿几岁先做激光矫视，就会注重护眼。”
谈到囝囝避免接触电子产品，问到会玩什麽？她笑说：“玩我囉！第时唔畀佢打机，咪就要跟父母玩，每日我放工就会同佢玩具、读书，但佢应该开心，我哋就好攰。”
朱千雪又指囝囝容易照顾，毕竟要陪伴囝囝玩，所以要花心机同时间陪伴。谈到可会追生B，她笑说：“搞掂呢个先，因为真係好攰！希望我哋熟习啲先再生多个。”
大讚老公全程揹BB
对于可会鼓励好友汤洛雯及新婚的蒋家旻生B，朱千雪坦言有提议她们可以享受人生先，因为有小孩后会想赶快回家，虽然放工休息，但要照顾小孩，所以也会怀念二人世界。
提到早前一家可三口到首尔旅行时，老公全程揹BB获网民大讚。
她说：“佢係非常落手落脚凑BB，我负责喂奶，佢就会帮手冲凉，又会好乐意揹BB，亦好享受做爸爸，讚佢都好可以更加落力。”
