明报：张继聪自爆与阿Sa合作缘分始于《恋上你的床》
张继聪、蔡卓妍（Sa）近日接受HOY TV主播俞咏文访问，分享拍摄贺岁片《祥赌必赢》的趣事。阿聪表示和阿Sa的合作缘分，能追溯至2003年电影《恋上你的床》。他说︰“其实我当时係临时演员嚟，但係就畀咗个身分自己，就係阿Sa嘅前度﹗阿Sa都唔知，我就好入戏喇﹗”
阿Sa最难忘与胡枫（修哥）一同拍摄的戏分︰“我真係好尊重修哥，佢真係好劲﹗佢已经95岁，虽然现场个剧本对白不停改，但佢每次都接到，真係令人非常佩服﹗”阿聪最难忘结尾一场︰“因为嗰场全部演员都喺度，直情玩到癫咗。我同朱栢康、白只同杨伟伦撞埋一齐，都只係会互相伤害对方。 其中有一场，其实阿Sa可以唔喺度，但係我哋係都要佢喺度， 佢嘅反应先至係最好睇。”
《祥赌必赢》以赌为题材，阿聪直言不爱赌钱︰“可能因为细个时同啲朋友都有一齐玩吓，点知输晒所有零用钱，所以以后唔再赌。新年同屋企人玩嗰啲唔係叫做‘赌’，係叫‘派钱’﹗”阿Sa不认自己有赌运︰“我谂我嗰啲唔係叫做好运，係以技术取胜﹗”
她觉得与张继聪合作十分开心︰“同佢倾偈好容易畀佢感染到开心，如果有啲学术性问题问佢，佢又答到你。我觉得佢个人好Full，尤其是今次有好多时间同佢相处，佢简直打开咗我﹗我觉得自己完全唔同晒，佢喺拍戏现场畀咗好多idea我。有段时间，我觉得自己绑手绑脚，唔识点样形容，但今次每场戏对戏嘅时候，佢都畀咗好多唔同谂法我，令我觉得好舒服。”
阿聪表示阿Sa从前的电影拍档是郑伊健、张智霖等型男，今次自己能成为她的对手，代表自己与郑伊健、张智霖是同一类人。阿聪续说︰“阿Sa有亲和力，我觉得佢係女中豪杰，人间传奇。佢入行咁多年，都仲係好正常，冇畀名利左右到，而且有侠义精神，我好尊重佢﹗”
