明报：黎宽怡细说与未婚夫邂逅经过 不心急生育 先享受二人世界
《东张西望》主持黎宽怡（猫仔）下月将于圈外未婚夫阿Sing在相恋9周年当天举行婚礼，她透露读书时曾担任时尚造型比赛的模特儿，因而结识了当时担任摄影师的阿Sing，两人后来成为朋友，不时一大班朋友聚会。后来她与当时的男朋友分了手，十分伤心，因朋友们“偷步”看了大家都想看的一齣电影，就胆粗粗约阿Sing入场看。
黎宽怡说︰“当晚睇完戏之后，我忍唔住哀伤，同佢分享咗好多对前度嘅思念同回忆。佢听完之后完全冇嫌我烦，仲反过来安慰我，甚至分享咗佢唔少对前任嘅记挂同往事，我先知道原来当时嘅佢仍然好锺爱佢嘅前度，但被抛弃了。当晚我哋倾咗好耐，最终立下一个协定，不如一起陪对方同行，如果等到任何一方嘅前度回头，我哋嘅约定就告吹。当时，大家都係抱住期待前度嘅回归，但冇谂到前度就等唔到，反而遇见到彼此嘅好同真，慢慢地一齐笑、一齐喊、一齐扶持、一齐经历、一齐成长。”
她讚未婚夫善良、温柔、细心、孝顺、有幽默感及有上进心等。黎宽怡说︰“我欣赏佢识得享受生活嘅同时，遇上逆境同困难，却从来唔怠慢。当然，佢都係个靓仔嚟嘅﹗佢唯一缺点係对食物要求好高，好彩佢煮嘢食好叻，婚后佢会教我煮嘢食，唔使我饿死。”
说到生育计划， 她表示︰“佢同屋企人都好锺意小朋友，不过我私心想迟啲生，因为佢超级锺意去旅行，而我入行7年几以来只同佢出埠玩过一次，所以好想婚后去多啲旅行，过吓二人世界先。”
