陈妙瑛爆唔敢回巢拍剧当年每日只睡三个钟：唔知顶唔顶到 | 香港01
TVB无线《万千星辉颁奖典礼2024》昨日（19日）假澳门举行，曾经共同演出TVB经典剧集《无头东宫》的两大女主角陈妙瑛和向海岚亦有合体现身担任颁奖嘉宾，她们接受访问表示：“好多观众都话《无头东宫》係神剧，我哋好开心。”
被问到曾志伟有否开口邀请陈妙瑛回巢拍剧，她表示：“有叫我上一啲节目，但係时间仲未就到，拍剧嗰阵时连续四年我都係得一日休息全日，我每一日都淨係瞓三个钟头，我而家都唔知顶唔顶到。”
陈妙瑛透露当年拍《无头东宫》全身受伤
陈妙瑛指当年播完《无头东宫》便已经约满，并表示：“嗰阵我就谂住去做生意囉！”向海岚分享《无头东宫》班底至今也有群组互相联络，当中艺人包括有麦包和张兆辉。
被问到《无头东宫》最印象深刻的一场戏，陈妙瑛表示：“最深刻係搵仔嗰一场，我个仔係好细个，有一日夜晚嘅六点钟就拍到朝早嘅六点，嗰晚得九度係要淋雨去搵仔，仲要谂住推木头车係三百几磅，自此之后我就全身受伤。”
向海岚难忘剧中与陈妙瑛换脸
向海岚则提起与陈妙瑛换脸的一场戏，并表示：“嗰阵时冇AI冇特技嘅效果。”陈妙瑛则反串向海岚，并笑言：“点会冇特技啊？我希望观众可以上网睇返我哋呢两场戏。”
向海岚忆述：“工业用嘅吹风机将全个录影厂嘅尘埃吹晒上嚟我哋嘅块面，我记得拍完嗰阵时块面都敏感。”陈妙瑛笑言：“係吹到块面震晒歪晒，其实点解我做美容係为咗养生同埋美容块面。”
