HOYTV与广东台联合制作的春晚盛典《粤来粤好过大年》将于年廿九播出，透过表演晚会，连繫世界各地的华人，将春节文化传承。今年春晚的歌手嘉宾阵容全面升级，更多香港歌手参与，包括张衞健、林志美、钟嘉欣、周柏豪、尹光等，以及一众星演旗下歌手，横跨老中青三代，以不同形式、主题，展示香港的生气活力，为新春献唱。
近年微短剧大受观众喜爱，HOYTV 于蛇年新春期间推出首个自家微短剧《我家有囍事》，今次是HOY 与文创产业发展处“创意智优计划”第二度合作，亦是本间三个电视台首创，未来亦会研发微短剧发展的可能性。
头炮找来林德信、林颖彤、梁茵、七仙羽、李尚正、卢颂恩、阮伟伦等主演，为大家于今个蛇年带来无限欢乐! “几时结婚”往往是大家新年遇到“最棘手”的亲戚问题排行榜首位，HOYTV希望创作一部以团圆及爱情的浪漫喜剧庆祝元宵佳节，寄望大家笑餐饱之馀，亦祝愿大家能够有情人终成眷属，未找到伴侣的早日找到心中所爱。
首次拍摄微短剧的林颖彤(Bella)，七师傅和阮伟伦，都对新剧充满期待! 当中Bella表示可以同七师傅合作觉得非常开心：“之前喺HOYTV嘅其他综艺节目都有见过七师傅，但今次可以做佢个疑似新抱仔，真係非常兴奋! 喺佢身边好似好有安全感，有人依赖咁! ”而阿伦亦非常满意自己这个躺平的角色：“我今次做一个受尽万千宠爱嘅孻仔，一事无成，但係有七师傅呢个妈咪，梗係享受下呢种躺平嘅感觉，日日淨係揽住佢，同埋问候佢! ”
Bella今次饰演的是一个非常有钱的千金小姐，她亦笑言和现实完全相反：“今次呢个角色，我都要花好多时间去研究，因为除咗内容搞笑之外，我呢一个角色都好跳掣，仲要同梁茵争林德信喎! 咁要谂下点样演绎会比较好。”现场所见，七师傅不断爆肚，简直杀大家一个措手不及：“因为微短剧一定要搞笑，一定要夸张，太平淡就唔好睇，所以里面啲字眼要好爆，等人哋谂唔到，大家先至会CLS! 而之前我都有讲过Bella一定会做女主角，而家真係做到啦! 因为我觉得佢个样靓，同埋冇整容，呢个市面上真係好少㗎喇! ”
林德信林颖彤梁茵大搞三角恋
另外，讲到Bella于剧中和公认靓仔的林德信(Alex)和梁茵(Kiko)大搞三角恋，Kiko大爆自己角色是拜金女：“因为屋企人自细都係教育我要嫁个有钱人，所以一知道Alex嘅角色係一个有钱仔，又靓靓仔仔咁，所以就非常倾慕佢! ”
而Alex笑言自己所饰演的角色“傻傻地”：“我喺剧里面係一个会计师，会周旋喺Bella同埋Kiko之间，我觉得自己好似傻傻哋咁，太过nice唔识得say no，但始终呢一套剧都係一套贺岁剧，所以当中嘅内容都会比较夸张同搞笑，同埋有埋七师傅喺度狂爆肚加持，我都好期待同佢一齐玩下，每次都会有惊喜! ”
讲到惊喜，莫过于合作无间的李尚正和卢颂恩，破天荒首次饰演两夫妻，阿正表示同妹头应该没有亲密场面：“我哋做一对被安排结婚嘅夫妻，主要场口闹交居多，所以应该冇一啲肉博嘅场面，但我应该会同另外一个演员有动作戏，咁当然啦! 可以做到妹姐嘅老公，我感到非常之荣幸! ”而妹头亦笑言，知道要做正爷的老婆，还会长时期困兽斗，感到非常兴奋。
