明报：曹敏宝重提去年爆绯闻获丈夫无条件信任︰冇嫁错呢个男人
38岁曹敏宝（Mable）17岁时曾参加前女团Cookies选拔比赛并夺得亚军，2011年以歌手身分出道，推出过几张唱片。2022年，她参加首季《中年好声音》而再次活跃起来，获得不少商演机会，惟已婚的她去年初跟同样已婚的《中年》参赛者梁浩铨传绯闻后被“雪藏”，有指一班《中年》战友亦因此疏远她。
Mable近日自资推出新歌《未结束的故事》，她接受商台《星光背后》访问时，感恩在事件上一直获丈夫林润生百分百信任及支持。她说︰“嗰段日子，我会形容自己支离破碎，由好忙变到乜都冇，但我老公喺我背后畀我最强大嘅支持，我形容唔到佢嗰种无条件信任同爱。佢好清楚我係乜人，知道我热情同大情大性，真係所有人都会揽头揽颈。好在我每样嘢都同佢讲，之前我每日同边个食饭出街，佢都知。佢比我想像中更成熟，好多人都好担心会影响到佢，但佢完全唔care。佢咁强大嘅信念，令我更加爱同欣赏呢个男人，绝对冇嫁错呢个男人！”
Mable表示当年在大家姐的介绍下认识丈夫，两人交往一年结婚，至今育有一对仔女。她公开丈夫最吸引自己的地方︰“我係一个极度冇安全感嘅人，佢好爱护我，畀到安全感我。佢好踏实，呢样嘢感动到我。参加《中年》时，佢最支持我。我去海选前仲好惊同冇自信，唔想出去，佢好鼓励我去试，仲话唔得仲有屋企同佢喺度，令我更有勇气参加比赛。”
Mable的二家姐是2003年港姐冠军曹敏莉，她表示中学时跟两个家姐同校，曹敏莉当时已是校花。Mable说︰“喺女校可以做校花好劲！”
被问到两姊妹可曾被比较时，她说︰“我细个男仔头冇咁谂，但留番长髮后，成日都係咁畀人话，最差就係‘点解个家姐咁出众咁靓，个妹会咁丑样’，我觉得啲人把口好衰，返到屋企都会同家姐讲。屋企人安慰后，我冇再介怀呢啲说话。”
曹敏莉2003年参选港姐夺冠，原来Mable也曾在同一年参加过Cookies新成员选拔赛，并夺得亚军。
她回忆︰“我好锺意唱歌，报名嗰时仲早过家姐参加港姐。嗰时我真係好想入行，好想签畀Neway，佢哋都有畀offer我，但我妈咪好紧张，要公司承诺点样令我成功，倾咗好耐，公司当时唔可能承诺咁多嘢，最后妈咪就叫我去读书。我嗰时同妈咪都有少少唔开心，好嬲又有啲唔忿气，但因为我太爱我妈咪，冇嘢解决唔到，大家都有互相体谅。”
