明报：阮兆祥江欣燕中四已认识 梅小惠选健美小姐险当众出丑
阮兆祥、梅小惠、江欣燕合作节目《友乜唔讲得》今晚（26日）首播，3人一开始即轮流自爆入行时的难忘事、趣事及瘀事。梅小惠当年因为仰慕家姐梅小青，一心先加入幕前再转做幕后，18岁时已急不及待参加无綫的《健美小姐》竞选，并成为大热之一。
梅小惠在节目中揭开当年参选时皮肤过黑之谜，她谈到当年被指大热倒灶时称何守信（何B）是“罪魁祸首”：“我输嘅原因应该係得罪咗何B先生。”
梅小惠自爆当年宣布赛果时，因一心觉得自己会赢而差点闯下大祸，幸获何守信打眼色提醒才没当众出丑。她表示比赛后获何守信亲自打气：“佢话虽然你输咗，唔紧要，但係你好醒，你都应该啱做呢行嘅。”
阮兆祥、江欣燕原来读中四时已因电台节目而认识，阮兆祥回忆当年首次见到江欣燕时已感受到真正反差萌︰“佢一变妆唱梅艳芳嘅歌，即刻变成迷你梅艳芳，似梅艳芳程度同依家一样。即係由中四开始到依家扮梅艳芳嘅能力冇进步过嘅！”
江欣燕被问到如何发现自己似梅艳芳时说︰“有日喺屋企睇睇吓电视，觉得佢把声好得意，然后就‘咦？我都得喎﹗’我其实完全唔识唱歌，当年参加《新秀》只係为追星。我係因为梅艳芳参加新秀嘅，太锺意佢，当年演唱会百几蚊张飞，但新秀报名费只係50蚊，我就可以见佢，好抵！”
阮兆祥难忘参加《新秀》时获梅艳芳、张国荣（哥哥）当面鼓励。︰“比赛完我喺走廊撞到梅姐，我问：‘梅姐你有冇睇我表演呀？’，梅姐话：‘有有有，你唱得几好吖，有机会颁奖畀你呀！’跟住完骚见评判，就见到我两个偶像张国荣同陈百强，哥哥仲同我讲：‘其实虽然输咗，但如果你真係锺意唱歌嘅话，唔好放弃！”
首集嘉宾是吴雨，吴雨当年第一个睇中戚美珍有走红潜质︰“记得当年要搵‘欢乐小姐’，嗰时有本艺人簿畀我哋揭，有次见到有个真係好靓嘅，原来係戚美珍！我就心谂点解呢个咁靓冇人要？”
他透露首届《翡翠歌星贺台庆》前夕，电视台意外发生大火，就在大家都觉得节目要胎死腹中之时，他没有放弃，结果创造收视传奇，整个故事相当峰迴路转，当中更涉及群众吃瓜心态。吴雨又分享当年金牌司仪鼎立时，幕后如何绞尽脑汁让一众阿哥阿姐觉得没有被厚此薄彼。
