明报：连诗雅感冒传染女儿高烧至40度︰陈生9秒9车我哋去急症
连诗雅（Shiga）去年7月诞下女儿陈星颐（Camila），B女现在半岁大。香港上月初进入流感季节，Shiga昨天（4日）在社交平台透露与Camila齐齐病倒发烧， 女儿更烧至40度，她与丈夫陈家乐立即带女儿去看急症。
Shiga说︰“消失的新年… 今年年初一一起身，我同个女一齐发烧，我就38.7度，我个女就39.2度。虽然话BB发烧，好小事，可能出牙，长高之类之类，不过佢人生第一次发烧，加上我都几肯定应该係我传染个女，因为我之前嗰日已经开始咳得好劲。虽然我都有同佢保持距离，但係都係避唔过。同日嘅下午佢直头烧到40度，我已经吓到不停喊。陈生9秒9车我哋去急症，好彩检查唔係流感，只係普通感冒，返到屋企食药，咁就过左3日… 我哋两个都好似昏迷咗三日咁，淨係起身食药瞓觉。最后我哋喺屋企浑浑噩噩，咁就过咗个新年，呢两日先开始回魂。所以话新嘅一年乜都係假，总之就身体健康，开开心心，食得瞓得，就已经好感恩。”
她感谢陈家乐在这个农曆年照顾她和女儿，Shiga续说︰“咁就喺屋企过左7日，辛苦陈生照顾我哋两个，边度都冇得去。希望我哋一家今年都健健康，大家都心想事成，开心最紧要。迟来的新年快乐，阿女终于精神番﹗”
