卫兰参加《声生》打下强心针 跳出舒适圈做独立歌手庆20周年│封面故事
卫兰（Janice）小时候填写“我的志愿”是新闻主播，结果她成为情歌天后，一唱就二十年。由入行开始，Janice都在大公司下成长，已习惯被包装、被指挥，大树好遮荫的代价，换来是没有say no的权利，亦令她没有抵抗力，遇上任何打击，很容易便被打倒，但也是个祝福，继续走下去。
去年，Janice首次参加内地综艺《声生不息》引来极大迴响，让她打下强心针，同时令她决定跳出comfort zone，做独立歌手自己话事，Janice说：“踏出呢一步，我觉得返唔到转头喇！”
出道即横扫各大颁奖礼新人奖的卫兰（Janice），适逢当时香港的卡拉OK盛势，她首张广东专辑的《一场误会》、《心乱如麻》、《My Love My Fate》与《大哥》等歌曲，唱得街知巷闻，亦是八、九十后的集体回忆，Janice说︰“我到依家每次唱《My Love My Fate》都好大感受，会谂返当日做黎明演唱会嘉宾，第一次喺红馆唱呢首歌，其实第一晚我就入咗医院，因为太紧张，个肚好唔舒服，结果第二晚，大家见唔到我上台，但当时都冇特别去解释，係几嬲自己，毕竟当时好年轻，只有廿三岁。”
红得快，当时Janice连静下来好好思考的时间都没有，“好多嘢都来得太快，冇时间，真係太忙，每日拍广告、影好多相、做好多杂志访问、录好多歌，嗰阵係一次过录十首歌，以前冇得say no！”试过一次“爆煲”，在黎明面前发脾气，“我记得有一个表演，好似我甩咗歌词，嗰阵时都係病紧，老闆话我，我就话我都唔舒服啦，你点解仲要话我？嗰阵都几顽皮，受唔住俾人话，企起身就走咗去，之后谂返唔係好尊重，自己都觉得态度好差。”
二十年经历不是一条直线
转眼今年就入行二十周年，Janice即将展开首个大型世界巡唱，问她会否邀请黎明？她笑笑口说︰“我谂都难，哈哈！我谂佢唔想，呢几年的确少了联络，几年前生日或者圣诞都会message吓，唔知点解又失联，不如你帮我问佢，哈哈！呢个二十周年好重要，由佢带住我事业开始，仲有雷颂德，嗰段时间真係好幸运，事业遇到佢哋帮助，遇到好多好歌，所有嘢都好感恩。”
Janice续说︰“二十周年最想同歌迷一起庆祝，好想唱返遇到嘅每一首作品，开骚仲有人去欣赏、仲有人想听，really？OK！Let’s do it！好想同大家有个memory，其实我好锺意睇Mariah Carey，好锺意佢啲旧歌，听几多次都唔会闷，我谂大家都一样，想去听细个时候陪住你长大嘅歌，今次係入行以来比较大型嘅巡唱，香港站一定有，场地选择都未知，但我想香港係最尾嗰站，我都想试吓户外场地，启德？就算係都应该唔係最大嗰个场馆啩！”
这二十年，Jancie用“高高低低”来形容，“唔係一条直线，但我觉得人生经历过，就算低潮又好、高峰又好，好多时候都需要自己去坚持，可能大家见唔到，当然我都有唔开心、有迷失，有怀疑自己的时候，特别係离开A Music去另一间唱片公司（华纳唱片），中间唔知倾唔倾得成？究竟自己事业会变成点？之后再离开第二间公司，我休息了大概两年，要自己去建立返好多嘢。”
离开华纳后，Janice没有再签约唱片公司，决定自组公司做独立歌手，她坦言是跳出comfort zone，“点呢？自己做呀？我唔识㗎喎！I don’t know anything about business，又要经历一次呢个过渡期，又要再适应，我觉得对我嚟讲，做呢件事要好有勇气，因为一出道就惯咗嗰个模式，俾大家照顾、俾大家决定晒，依家就係自己要谂囉，不过开始惯、开始适应喇，to be honest，踏出呢一步，我觉得返唔到转头！做独立歌手，Yeah！getting there！”
Janice另一个新挑战，是首次参与内地综艺节目《声生不息-大湾区季》，这次亦令她眼界大开，“哗，拍摄时间好长，好多访问要讲好多嘢，自己好似变咗一个新人咁，係好大挑战，但我觉得係开心，睇第一季嘅时候，我已经觉得舞台好正，特别係编曲和制作，大家都好细心去做，一路都好希望可以有呢个机会，其实未知道会被邀请之前，自己都已经有上国语课，直到去录影第一日，我觉得好似一个梦咁，佢哋用心去做每一样嘢嘅程度，令大家觉得就算几攰都值得，依家都差唔多拍完，仲差一集，时间过得好快，好唔捨得，同埋好开心今次，同一班歌手朋友好似建立咗一个关係，大家一齐去做一件事，每个礼拜都好期待再见到佢哋，好似薛凯琪、祖儿呀，呢个节目，令到我好似重新爱上广东歌。”Janice更即场预告，为了二十周年特别造了一首新歌，“好快就听到，係广东歌呀！”高高低低二十年后，期待另一个新开始。
