星岛：张驰豪踏入30岁被兄弟逼搞寿宴 冼靖峰林智乐望“声梦”拍旅游节目
张驰豪（Aska）、冼靖峰（Archie）和林智乐（Felix）回顾龙年做了多个新尝试，兼得到奖项，过得相当充实。展望蛇年，他们除了想歌影视都有不同机会外，3人都希望“声梦1”能齐齐拍游游节目，仲度好晒形式想向公司建议，而3月5日满30岁的Aska，竟被2位兄弟疯狂逼他大搞生日会，相当搞笑！
採访：杜杜 摄影：朱伟彦 髮型:Hugo Poon@PRIVATE i salon(Archie) 化妆:King yip@ kingsmakeup(Archie)
Felix 新一年目标除了多做歌外，还想参加更多音乐综艺，因获益良多，“参加《声生不息·大湾区季》令我识多咗好多前辈，我好想识更多呢个行业嘅人，想有多啲交流，我会吸收得最快。”
Archie 去年有不少作品推出，今年他就希望集中火力创作歌曲，“踏出第1步係最难，其实我1年前已经想做，但总觉得唔会作到啲好嘅嘢，一路唔实行，后尾谂通咗作第1、2首未必好好，但作到100首质量点都会慢慢变好，所以唔好谂作咗出嚟先啦！”
写计划书交畀公司
Archie和Felix异口同声，希望今年《声梦》有机会一齐拍节目，Aska提议开个游游节目，“叫《声梦旅行团》或者《声梦环游世界100日》。”Felix甚至认为应该做首个长寿旅游节目，“可以拍足1年，每个星期去唔同地方，大家好似跟团咁边个得閒就报名，边个有嘢做就返香港先。”
他还认为可参考外国节目，“个音乐节目好得意，一班歌手去旅行，去到某个地方就搞个骚，我哋都可以咁喎！”Archie主动请缨写计划书，“由Aska负责交上去，我哋15个去晒搵高层请求。”
Aska今年最希望有机会拍电影，原因同爸爸有关，“除咗好奇拍电影係点，仲因为我爸爸好锺意睇戏，仲会入戏院食住爆谷睇，如果畀佢喺戏院见到我应该好正。”下月满30岁的他，仲想这段日子再努力点，“趁住身体仲顶得住，就要衝多啲。”
Archie和Felix劲兴奋建议他要大搞生日会，Felix更要叫齐“声梦”兄弟姐妹出席，“30大寿一定要搞，仲要好盛大。”Archie仲谂好生日礼物，“我想送原条吞拿鱼畀你，搵埋师傅即场劏，够畀晒全场人食。”见两兄弟盛意拳拳，Aska无奈话：“我考虑吓啦！如果你搞到条吞拿鱼返嚟话你叻！”
