文颂娴获锺澍佳亲自出马邀请拍剧挑战演母亲：一出场我个仔就死咗 | 香港01
48岁的文颂娴婚后淡出荧幕诞下女儿投入家庭生活，她日前出席“77工作室春茗暨庆功宴”接受《香港01》 访问表示相隔19年重返TVB拍剧，谈及为什麽会选择再次拍TVB剧，她直言：“係因为锺澍佳监制，开拍之前主演就定咗㗎！其实我就係第一场就已经出现，呢个角色好特别，所以佢想邀请我表演，觉得会有新鲜感，可能我以前拍咗好多好惨嘅戏，其实我睇剧本嘅时候都觉得好多场都喊㗎喎！十场有九场都係要喊嘅戏，因为个角色係好惨，我咁耐冇拍戏，我都担心自己做唔做到，我都有问监制对我係咪有信心做到，佢就话梗係啦！”
《正义女神Themis》挑战演母亲
讲到在剧中担任的角色，她表示：“ 《正义女神Themis》係法庭嘅戏，离开咗TVB咁耐，其实我係第一次做妈咪嘅角色，第一次用妈咪嘅身份去做妈咪嘅角色，以前演戏通常都係演少女，总之一出场我个仔就死咗，所以所有嘅剧情係好崩溃，係好惨㗎！我最大考虑其实係因为要素颜上阵演出，仲要刻意整残自己更加憔悴，所以呢样嘢都係要考量，我咁耐冇见到观众梗係想靓啲啦！”
自觉角色沉重拍剧期间冇同佘诗曼倾偈
文颂娴透露《正义女神Themis》新剧女主角是佘诗曼，所以特别想再次与对方合作，并表示：“我同佢真係好多年，起码有20年冇合作，但拍戏完全冇倾偈，因为我每一场戏个感情都好重，去到现场我已经要自己走埋一边入戏，好多时候同佢同场我都唔会即时打招呼，佢都唔够胆骚扰我，收工嘅时候先可以打到招呼。”
被问到有否询问好姊妹佘诗曼的意见才选择接拍这一套剧集，她表示：“佢就话对你嚟讲点会有问题？你咁耐冇拍状态都喺度㗎嘛！唔需要担心。佢都想我好同信任我。”
被问离巢原因竟然咁答
至于当初为什麽决定离开TVB，她说：“其实之前都有大致上讲过，呢个世界始终都係圆嘅，又唔係有啲乜嘢唔开心嘅嘢！”谈及未来的发展动向，她坦言：“真係冇。监制搵我又迁就到我凑女嘅日子，所以咁啱就拍咗，係冇喺计划里面，但其实今次真係挑起咗我嘅戏瘾，因为一个演员做到嘅满足感係好大嘅，同我凑女好唔同，如果有合适嘅剧本同埋观众想继续睇我嘅，我觉得可以嘅。”
