丁子朗勇闯乐坛做新人紧张又担心 好兄弟冼靖峰竟不满有意见 | 香港01
“TVB 77工作室”日前（19日）举办春茗暨庆功宴，当中曾出演《下流上车族》的丁子朗亦有份出席，他在接受《香港01》访问时被问到日前新歌《Sunset Lovers》刚面世，他表示“好感动”！
丁子朗坦言出歌的时候很紧张，因为他在网上见到网民开始讨论他的新歌，有点担心网民的意见：“‘丁子朗2025年做乐坛新人喎，搞乜鬼？’我睇完啲post即係哎啊，唔知啲人睇完听完有咩感受呢。”
丁子朗透露这首歌其实经历了十多次的改版：“改melody啦，改词啦，咁去到最后其实我自己听我係满意嘅，亦都好开心呢首歌嘅制成品。”喜欢看留言的他亦有把大家写下的意见都看完，他指留言“还好嘅”，亦有不少人支持他出新歌，所以都很感动。
至于被问到朋友们听完后有没有给他意见时，丁子朗就笑指好兄弟冼靖峰有意见：“佢听完之后有话‘吓，点解录嗰阵时唔搵我！’佢纯粹想involve喺呢个过程入面。”今次参与不了不要紧，可以叫冼靖峰等待下一次，那麽他就可以一起参与。丁子朗更提到因为他坐驾的音响是环迴立体声，所以会邀请朋友一边兜风一边听他的歌。
而今次丁子朗的新歌名为《Sunset Lovers》，被问到当中有没有什麽意思时，他表示：“我觉得好多广东歌都係分手啊，好悲情啊，我辜负咗你啊，你值得更加好啊，有啲慢tempo同有啲sad。我想做一首係符合返我个人嘅性格，就可能阳光少少啊，活力啲嘅歌。”除了阳光活力外，他更想表达“暧昧係最浪漫”这意思：“尤其好似Sunset（日落）咁样好短暂，过咗就冇㗎啦，咁因为佢咁短暂所以更加觉得佢靓囉。咁同暧昧一样，爱情拍咗拖就可能冇咁靓，但係暧昧係最靓！”所以他这首歌就取名为《Sunset Lovers》。
丁子朗的新歌《Sunset Lovers》是由他自己作词，因为他觉得情歌由其他人来写的话，未必能表达真正的意思：“我惊听唔到我嘅感受，我希望听首歌嘅人会直接feel到，我感受过嘅嘢，咁所以我就自己写啦，用我自己嘅第一人称去写返我对暧昧嘅呢件事点睇。”除了看法外，他亦把自己的感情投放了进去。丁子朗指自己有参考电影《La La Land》：“我觉得我写紧嘅时候，我觉得自己喺一个洛杉矶嘅公园上面，望住紫色橙色嘅夕阳，佢哋两个人跳紧舞咁样嘅。”
有指3月份丁子朗将会伙拍陈豪开新剧《侠医》，他笑指已经被陈豪率先爆出来了，被问到内容到底是什麽时，他则表示是有关中医药油的：“係一个济世为怀嘅一个故事，咁我可以讲嘅就係我今次好大嘅挑战。係一个完全我未试过嘅一个角色，唔係一个特别好嘅人。”被问是否演奸角时，他就不肯透露：“唔话畀你知。”他笑指医疗剧没有太区分好人与坏人，但角色对于他来说是有挑战性及发挥的。
