专访|黄奕斌由乖乖牌变成坏男孩 …

专访|黄奕斌由乖乖牌变成坏男孩 亲力亲为搞新歌:放胆去做自己 | 香港01

25岁歌手黄奕斌(Hugo)于2021年参加TVB歌唱选秀节目《声梦传奇》而入行,虽然于比赛中只晋身最后九强,但凭著个人的努力成功出道。2024年4月推出首支个人单曲《currenT》,反应不错,之后于年底再推出第二支个人单曲《LIT》,但就一改之前的“王子”形象,变成“坏男孩”Hip Hop风。

剖白由“乖乖牌”转变的心路历程

黄奕斌接受《香港01》专访表示今次新歌的曲风是Hip Hop风并且是自己选择的,自己亦很喜欢Hip Hop风:“之前同公司同经理人讲咗好耐,我希望係以呢种曲风去展示我自己。”因为大家对他的既定印象就是唱一些抒情的慢歌,即使快歌也是舞曲,很少把他与Hip Hop联想在一起,但其实他表示自己是听著Hip Hop长大的:“因为呢个曲风老实讲係我由细听到大,即係可能大家对我理解都係唱慢歌,抒情、柔和啲嘅。但係事实上我由细听到大係Hip Hop同R&B呢一类曲风。”

自己参与新歌及给意见

黄奕斌今次新歌由内容到造型上,自己都有份参与,怎至到MV的拍摄自己都有给予不少的意见:“首先呢个歌本身係我想拣嘅,所以我希望所有嘢我都要畀出啲意见。”至于MV的拍摄他被问到有否参考什麽而得出来的时候,他就表示“有睇过少少张艺兴”:“咁佢係有啲似Mix & Match中国风嘅元素”而他自己再加上一点Hip Hop的东西下去,继续产生化学作用而得出来的画面。

众所周知,其实黄奕斌一向都很喜欢看韩国偶像的歌曲,他大方承认自己会参考裡面有什麽可取之处:“因为K-Pop上面,其实个MV入面有好多适合大家去学习嘅元素,即係无论係啲镜头嘅机位,定係啲Concept上面嘅嘢都係好多可以参考。”为了自己的新歌,黄奕斌都可谓亲力亲为,他指自己今次的参与度有50%,他更希望之后有更多的参与机会,为此他解释自己要参与其中的原因:“因为其实中间好多嘢咁样表达出嚟嘅时候,会更加贴合到我哋自己本身嘅谂法,同埋都更加容易打动到听众。”

为什麽会突然这麽大转变?

在大家眼中,可能觉得黄奕斌有著很大的转变,因为他一直给人“斯文靓仔”的形象,但突然的转变让不少人都觉得奇怪他是否受了刺激。黄奕斌亦明白这个转变在大家眼中是突然的转变,但他就不认同兼表示自己的内心其实一直都是这样:“我个性格本身不嬲都係咁样,跟住所以突然间会变到大家好似Hip Hop,或者有啲可能咁样(Hip Hop)啲装扮。”

访问当日,黄奕斌颈上多了一个新纹身,亦多了一个唇环及眉环,虽然一开始的确会让人有点不习惯,相信离不开这些都给人是坏男孩的第一印象。但其实他只是想表达“你想做乜嘢就放胆去做,去尝试”。谈到为什麽今时今日才作出新尝试时,他则认为旧形象不能代表自己:“我觉得佢代表唔到我自己!咁嗰样嘢换句説话嚟讲就係好难打动人,但係当我做返我自己,可能更加真实嘅自己嘅时候,我相信大家都更加容易会畀我感染得到,所以先会好似突然间转咗第二个形象。”

《声梦传奇》中最后一位推单曲

对于是最后一位推出个人单曲,他无疑觉得在时间上是“的确係迟”,但在其他方面,就觉得“有心唔怕迟”:“点解咁迟出歌,因为其实好多嘢都係我自己选择,譬如啱啱比完赛,我选择咗自己返去读书,咁好自然地冇办法宣传歌,所以就唔会喺嗰段时间出歌。即係导致到最后一个出歌,咁我觉得呢样嘢对我嚟讲,影响不大!”

入行虽然短短数年,有否遇过低潮?

黄奕斌觉得“都有嘅”,而这个低潮是在工作方面:“工作压力大嘅时候或者係点,咁即係调返转头畀屋企人压力嘅时候,嗰一刻係你觉得有少少,算係自己人生中嘅一个低潮阶段,因为你唔想睇到你屋企人,唔开心或者係难过。”虽然有低潮,但黄奕斌指与家人很团结,所以大家一起撑过了。

至于一出道时,工作量一定少,当时有没有觉得家人有压力给他,他表示家人“冇畀压力佢”。但他回想如果家人不给压力他时,而家人自己则在“捱”时,自己就自然给自己压力:“希望会快啲有更加多嘢做,咁但係一开始其实我低潮嗰部分係好快好顺利,因为我不嬲都係一个遇到问题嘅时候,我会第一时间谂点样去解决,有咩办法。咁所以其实好快就到过咗嗰个所谓低潮嘅时期,转化为动力去寻找更加多机会去化解而家呢个情况。”

至于这个低潮期经历了多久时,他坦言这个时期大概半个月,而他被问到怎样过渡这个时期,他指自己会在社交平台分享不同的影片,又或者去兼职。黄奕斌去做兼职,他表示并不是因为“冇job”而去做,“有好大部分係兴趣”。虽然家庭没有压力,但他仍然在找不同的方法去“帮补屋企人”:“我需要自己去揾多啲唔同嘅方式去帮补屋企人。”

黄奕斌最近因为外形上有转变,被问到家人有何意见时,他说当初其实妈妈有点不理解,更问他:“点解突然间咁曳啊?”但他解释完自己为什麽会这麽大的转变后,家人慢慢理解。黄奕斌提到自己与妈妈像朋友般相处,所以不避讳说:“其实我就係想做自己,想话佢听,可以勇敢地做自己。”他最后表示父母已经慢慢接受。

被问到对自己有没有底线时,他认为“唔好破坏自己形象”就可以:“我觉得呢个係个底线,我可以係做啲坏男孩,但我唔可以係衰嘅。我只不过係bad boy,但係我嘅底线可能就係,唔会破坏自己形象。I mean 我可以扮丑,我唔认为呢个係破坏形象,但我唔可以做衰人。”







Leave a Reply